चीनभित्रै सङ्क्रमण भएका थप सङ्क्रमित भेटिए

चीनभित्रै कोरोना भाइरसका नयाँ सङ्क्रमित भेटिएको यहाँका स्वास्थ्य अधिकारीहरुले जानकारी गराएका छन् ।चीनभित्रै पनि यहाँका नागरिकमा सङ्क्रमणका थप व्यक्ति भेटिएका ती अधिकारीहरुले जनाएका छन् । उनीहरुकाअनुसार बिहीबार मात्र चीनमा कोरोना भाइरसका ६१ जना नयाँ सङ्क्रमित देखिएका हुन् ।

युरोपको ठूलो आणविक भट्टीमा लागेको आगो नियन्त्रणमा

युक्रेनको आपतकालीन सेवाले जापोरिज्जीयामा रहेको युरोपको ठूलो आणविक भट्टीमा लागेको आगो नियन्त्रणमा आएको जनाएकाे छ । स्थानीय समय अनुसार विहान सवा ६ बजे उक्त भट्टीमा मिसाइल आक्रमण भएको थियो । युक्रेनले यसअघि रुसी सेनाले सो भट्टीसहित पाँचतले भवनमा आक्रमण गरेपछि आगो लागेको बताएको थियो ।

भारतमा छ हजारभन्दा बढी कोरोना सङ्क्रमित

भारतमा पछिल्लो २४ घण्टामा ६ हजार ५६१ जना कोरोनाका नयाँ सङ्क्रमित भएका छन् । यसैसँगै भारतमा कोरोना सङ्क्रमितको कूल सङ्ख्या चार करोड २९ लाख ४५ हजारभन्दा बढी पुगेको केन्द्रीय स्वास्थ्य मन्त्रालयले बिहीबार जानकारी दिएको छ । सोही अवधिमा कोरोना सङ्क्रमणको कारण १४२ जनाको मृत्यु भएको अधिकारीले जनाएका छन् ।

रुसको आक्रमणपछि १० लाख सर्वसाधारणले युक्रेन छोडे

क्रेनमा रुसको सैन्य कारबाही सुरु भएदेखि सात दिनमा करिब १० लाख सर्वसाधारण युक्रेन छोडेको संयुक्त राष्ट्र शरणार्थी एजेन्सी (यूएनएचसीआर) ले बिहीबार जनाएको छ । आफ्नो ट्विटर ह्यान्डलमा यूएनएचसीआर उच्चायुक्त फिलिपो ग्रान्डीले लेख्नुभएकाे छ, 'केवल सात दिनमा हामीले युक्रेनबाट छिमेकी देशहरूमा १० लाख सर्वसाधारण पलायन भएको देख्यौं ।

आक्रमण तीब्र भएसँगै युक्रेन र रुसबीच युद्धविरामसम्बन्धी आज वार्ता हुनसक्ने

युक्रेन र रुसबीच दोश्रो चरणको वार्ता स्थानीय समय अनुसार बिहीबार विहान बेलारुस–पोल्याण्डको सीमा बेलोभज्स्काया पुस्चामा बस्ने बताइएको छ । वार्ता शुरु हुनुअगावै रुसी सेनाले युक्रेनका मुख्य मुख्य शहरमा आक्रमणलाई तीब्र बनाएको छ । रुसी राष्ट्रपति भ्लाडिमिर पुटिनका सहायक भ्लाडिमिर मेडिन्स्कीले रुसी वार्ताकारहरु वार्ता हुने स्थानमा बुधबार साँझ पुगिसकेको सिन्ह्वा समाचार संस्थाले जनाएको छ । युक्रेनी वार्ताकारहरु...