बोलिभियाका राष्ट्रपतिमा कोरोना सङ्क्रमण

बोलिभियाका अन्तरिम राष्ट्रपति जेनिन आनेज कोरोनाभाइरसबाट सङ्क्रमित हुनुभएको छ । कोरोनाबाट सङ्क्रमित हुनुहुने उहाँ लैटिन अमेरिकी तेस्रो राष्ट्रप्रमुख हुनुहुन्छ ।

भारतमा एकैदिनमा अहिलेसम्मकै धेरै २६ हजार सङ्क्रमित

भारतमा कोरोनाभाइरसबाट दैनिक सङ्क्रमितको सङ्ख्या बढ्दै जानेक्रममा २६ हजारभन्दा बढी पुगेको छ । सरकारी अधिकारीहरूले शुक्रबार दिएको जानकारीअनुसार पछिल्लो २४ घण्टामा भारतमा २६ हजार ५०६ जना सङ्क्रमित भएका छन् । यो सङ्ख्या दैनिक सङ्क्रमित भएकाहरूको सङ्ख्यामध्ये सबैभन्दा धेरै पनि हो ।

चीन र जापानका विदेशमन्त्रीबीच फोनवार्ता

चीनका स्टेट काउन्सिलर तथा विदेशमन्त्री र जापानका विदेशमन्त्रीबीच शुक्रबार फोनवार्ता भएको छ । उहाँहरुले एकले अर्को देशलाई बाढीका कारण ती देशमा भएको जनधनको क्षतिको विषयमा सान्त्वना सन्देश आदानप्रदान गर्नुभएको छ ।

अमेरिका उत्तर कोरिया वार्ता नहुने

उत्तर कोरियाली नेता किम जोङ अनकी बहिनी किम यो जोङले अमेरिकासँगको वार्ताको कुनै काम नरहेको बताउनुभएको छ । उहाँले अमेरिकासँग हुने भनिएको अर्को उच्चस्तरीय वर्ताको कुनै अर्थ नहुने बताउनुभएको हो ।

कोरोनाबाट ब्राजिलमा करिब ७० हजारको मृत्यु

विश्वमा महामरीको रुपमा फैलिएको कोरोना भाइरस संक्रमणको कारण ब्राजिलमा करिब ७० हजार व्यक्तिको ज्यान गएको छ ।