निर्माणाधीन आयोजनामा दुर्घटना : ऊर्जामन्त्रीद्वारा दुःख व्यक्त

ऊर्जा, जलस्रोत तथा सिँचाइमन्त्री पम्फा भुसालले सोलुखुम्बुमा निर्माणाधीन एक आयोजनाको पाइप परीक्षणमा क्रममा दुर्घटनामा परी दुई जनाको निधन भएकामा दुःख व्यक्त गर्नुभएको छ ।

सुशासनका लागि सूचनाको हक जरुरी छ : सञ्चारमन्त्री कार्की

सञ्चार तथा सूचना प्रविधिमन्त्री ज्ञानेन्द्रबहादुर कार्कीले मुलुकको दिगो शान्ति, सुशासन र विकासका लागि सूचनाको हक जरुरी भएको बताउनुभएको छ । राष्ट्रिय सूचना आयोगले आज आयोजना गरेको ‘सूचनाको हकमा महिला सहभागिताः चुनौती र अवसर’ विषयक राष्ट्रिय गोष्ठीको उद्घाटन गर्दै उहाँले आ–आफ्नो ठाउँबाट सूचनाको हक कार्यान्वयन गर्न आग्रहसमेत गर्नुभयो ।

गति लिँदै सुरुङ्गमार्ग निर्माण, ३२ प्रतिशत काम सम्पन्न

देशकै पहिलो सुरुङमार्गको काम हालसम्म ३२ प्रतिशत सम्पन्न भएको छ । सुरुङमार्ग कन्सल्टेन्ट अफिसका डेपुटी टीम लिडर अच्युत भट्टका अनुसार नागढुंगा र दहचोक दुवैतर्फ गरेर एक हजार नौ सय मिटर सुरुङ खन्ने काम सकिएको छ ।

१४ सांसदका पद खारेजीसम्बन्धी रिटमा पेशी ताेकियाे

सर्वोच्च अदालतमा नेकपा एमालेले निष्कासन गरेको माधवकुमार नेपालसहित १४ सांसद, निर्वाचन आयोग र सभामुखविरुद्ध परेको मुद्दाको सुनुवाइ आज हुने भएको छ । सर्वोच्चका न्यायाधीश तेजबहादर केसी र टङ्कबहादुर मोक्तानको संयुक्त इजलासमा एमाले अध्यक्ष केपी शर्मा ओलीले कारबाही सिफारिस गरेका १४ सांसद, सभामुख, निर्वाचन आयोग र लुम्बिनी प्रदेशका सभामुखलाई विपक्षी बनाएर दायर गरेको रिट निवेदनमाथि सोमबार सुनुवाइ हुन लागेको हो ।

राष्ट्रियसभा र स्थानीय तहको निर्वाचनकाे सुरक्षा व्यवस्थाका विषयमा छलफल

गृहमन्त्री बालकृष्ण खाँणको अध्यक्षमा सुरक्षा समितिको बैठक सम्पन्न भएको छ । आइतबार सुरक्षा समितिको नियमित बसेको बैठकमा राष्ट्रियसभा र स्थानीय तहको निर्वाचनलाई लक्षित गरेर त्यसको सुरक्षा व्यवस्थाको विषयमा छलफल भएको गृह मन्त्रालयका प्रवक्ता प्रदीपकुमार कोइरालाले जानकारी दिनुभयो ।