एक हजार ५० मतगणनामा लिङ्देन ५१६ थापा ४३१

राप्रपमा एकता महाधिवेशनको मतगणनामा अध्यक्ष पदमा राजेन्द्र लिङ्देनले अग्रता कामय गर्नु भएको छ ।

अध्यक्षबाहेक अन्यको मतगणना सकियो, केही बेरमा सार्वजनिक गरिने

राप्रपमा एकता महाधिवेशनको मतगणना अन्तिम चरणमा पुगेको र अध्यक्षबाहेक अन्यको परिणामा आइसकेको जनाइएको छ । मतगणनाबारे कुरा गर्दै राप्रपा निर्वाचन समितिका अधिकृत राजु बस्नेतले आइतबार विहान ३: ३० बजेसम्म अध्यक्षबाहेक अरु सबै पदाधिकारीको परिणामा आइसकेको भए पनि अन्यका नाम सार्वजनिक नगरिएको बताउनुभयो ।

मतदान सकियो, मतगणना सुरु

राष्ट्रिय प्रजातन्त्र पार्टी (राप्रपा)को नयाँ नेतृत्व चयनका लागि भएको मतदान सकिएको छ । शनिबार राति करिब साढे ११ बजे मतदान सकिएको राप्रपा निर्वाचन समितिका अधिकृत राजु बस्नेतले जानकारी दिनुभयो ।

लुम्बिनीमा पाँच हजार जना अट्ने हल तयार हुँदै

बुद्ध जन्मस्थल लुम्बिनीमा निर्माणाधीन पाँच हजार जना अट्न सक्ने क्षमताको सभाहल तथा ध्यान केन्द्रको निर्माण अन्तिम चरणमा पुगेको छ । लुम्बिनी तीर्थयात्री र पर्यटकको गन्तव्य त छँदैछ त्यसका अतिरिक्त सार्कजस्ता अन्य अन्तर्राष्टिय सेमिनार सम्पन्न गराउन सकिने गरी ध्यान केन्द्र तथा सभाहलको निर्माण थालिएको थियो । सो हल निर्माणको काम अन्तिम चरणमा पुगेको लुम्बिनी विकास कोषका उपाध्यक्ष भिक्षु मेत्तेयाले बताउनुभयो ।

कांग्रेस गण्डकीको चुनावमा एक हजार १४६ मत खस्यो, आइतबार बिहान नतिजा

नेपाली कांग्रेसको १४औँ महाधिवेशनअन्तर्गत गण्डकी प्रदेश कार्यसमितिका लागि शनिबार भएको निर्वाचनमा एक हजार १४६ मत खसेको छ । प्रदेश अधिवेशनका लागि कूल एक हजार १६५ मतदाता रहेकामा एक हजार १४६ मत खसेको र १९ जना अनुपस्थित भएको निर्वाचन समितिका सदस्य विष्णुकुशल भुजेलले जानकारी दिनुभयो । निर्वाचनमा सभापतिमा शुक्रराज शर्मा र अर्जुनप्रसाद जोशीबीच प्रतिस्पर्धा छ ।