प्रहरी र थुनुवाको कोरोना परीक्षण, मस्जिदमा अनुगमन

जिल्ला प्रहरी कार्यालय सिरहाका पाँच प्रहरी र १२ जना थुनुवाको ¥यापिड डायग्नोष्टिक टेष्ट (आरडिटी) गर्दा सबैको रिपोर्ट कोरोना नेगेटिभ आएको छ ।

काठमाडौँमा कोरोना परीक्षण गराउने बढ्दै

सरकारले कोभिड–१९ सङ्क्रमणको परीक्षणलाई तीव्रता दिएसँगै काठमाडौँ महानगरपालिकामा परीक्षण गराउनेहरु बढ्न थालेका छन् ।

सुत्केरी क्वारेन्टाइनमा

पोखराबाट बागलुङ हुँदै रोल्पा हिँडेकी दुई महिनाकी सुत्केरीलाई बागलुङमा उद्धार गरेर क्वारेन्टाइनमा राखिएको छ । रोल्पाको सुनछहारी गाउँपालिका ५ स्थायी घर भई पोखरामा मजदूरी गर्दै आउनुभएका उहाँ आइतबार दुई महिनाको छोरा बोकी पैदल हिँडेर बागलुङ आइपुग्नुभएको हो ।

महोत्तरीमा १७ हजार लिटर अवैध मदिरा नष्ट

कोेरोना भाइरसको सन्त्रास छल्न जारी लकडाउनकै बीच प्रहरीले महोत्तरीमा अवैध मदिरा भट्टी नष्ट अभियान चलाएको छ । लकडाउनकै बेला भट्टीमा जमघट बढ्दै जाँदा प्रहरीले सोमबार साँझ जिल्लाको भङ्गाहा–७ मेघनाथगोरहन्नामा १७ हजार लिटर अवैध मदिरा र चारवटा भट्टी नष्ट गरेको हो ।

रोयल फ्लाइट ११० रुसी बोकेर फर्कियो

रोयल फ्लाइट एयरलाइन्सले ११० रुसी नागरिक बोकेर गन्तव्यतर्फ उडेको छ । त्रिभुवन अन्तर्राष्ट्रिय विमानस्थलबाट रुसी नागरिक लिएर रोयल फ्लाइटको चार्टर्ड जहाज रसिया उडेको विमानस्थलका महाप्रबन्धक देवेन्द्र केसीले जानकारी दिनुभयो ।

के तपाईं भोकै हुनुहुन्छ ? पिर नमान्नु

कोभिड–१९ को महामारीसँगै लकडाउन जारी रहेको अवस्थामा यहाँको एक संस्थाले भोका विपन्न मजदूरका लागि निःशुल्क भोजन सेवा उपलब्ध गराएको छ । पोखरा महानगरपालिका वडा नं ७ मासवारमा महानगर र पौरखी स्वयंसेवी समूहको समन्वयमा भोका मजदूर वर्गलाई तत्तत् स्थानमा पुगी भोजन वितरण गर्दै आएको हो । शनिबारदेखि खाना बनाएर प्राप्त सूचनाका आधारमा खाना सेट प्याकिङ गरी सम्बन्धित ठाउँमा पु¥याएर विपन्न तथा मजदूर एवं असहायलाई पेटभर्ने काम...

राजमार्गमा रोकिएका पैदलयात्रुको उद्धार

पृथ्वीराजमार्गअन्तर्गत तनहुँको आँबुखैरेनीमा रोकिएका पैदलयात्रीलाई प्रहरीले आइतबार उद्धार गरेको छ । गोरखा, लमजुङलगायत विभिन्न ठाउँमा काम गर्ने सर्वसाधारण हिँडेरै घर जान आँबुखैरेनी आइपुगेपछि इलाका प्रहरी कार्यालय आँबुखैरेनीले उनीहरुलाई उद्धार गरेर पठाएको हो । सरकारले राजमार्गमा रोकिएका र अलपत्र परेकाहरुलाई उद्धार गर्न निर्देशन दिएपछि हिँडेर घर जान लागेका ४६ जनालाई उद्धार गरी घर पठाइएको इलाका प्रहरी कार्यालय...

क्वारेन्टाइनको बासबाट मुक्ति पाउँदा परिवारमा खुशी

कोभिड–१९को परीक्षण गर्ने पद्धति आरडिटी टेष्ट र पिसिआर परीक्षणबाट परिवार सदस्यहरुको सङ्कलित नमूनाको नतिजा ‘नेगेटिभ’ आएपछि बैतडीका नरीदत्त भट्टराईको परिवारमा खुशी छायो । नमूना नेगेटिभ आएको खबर पाएलगत्तै बैतडी पाटन नगरपालिकामा रहेकी श्रीमतीलाई उहाँले कैलालीबाटै फोन गरेर खुशी साटासाट गर्दै भन्नुभयो, “बुवा र आफ्नो रिपोर्ट नेगेटिभ आएको छ, चिन्ता लिनु पर्दैन, ढुक्क होऔँ ।”

आइसोलेशनमा उपचारका क्रममा मृत्यु भएका बिरामीको कोरोना रिपोर्ट नेगेटिभ

शिक्षण अस्पताल नेपालगञ्जको आइसोलेशनमा उपचारका क्रममा मृत्यु भएका बिरामीको कोरोना रिपोर्ट नेगेटिभ आएको छ । रुघाखोकी र दमबाट ग्रसित बर्दिया गुलरियाका इसराइल बेहनाकोे स्वाब परीक्षण गर्दा रिपोर्ट नेगेटिभ आएको अस्पतालका प्रमुख डा प्रकाश थापाले जानकारी दिनुभयो । बेहनाको आइसोलेशन वार्डमा उपचारका क्रममा गत शनिबार मृत्यु भएको थियो ।

काम नहुँदा सामल सकियो, राहत पाइएला त ?

सर, म नेपाली नागरिक होइन र ? मलाई नागरिकता नभएको भन्दै राहत दिएनन् । मलाई भोक लाग्दैन र ? यो पीडा मिश्रित भनाइ हो कमानसिंह लामाको । नुवाकोटको रानीपौवा घर भएका ५२ वर्षीय लामा विगत एक वर्षदेखि कीर्तिपुर नगरपालिका वडा नं ६ मा ज्यामी मजदूरी गर्दै आउनुभएको छ । स्थानीय उपभोक्ता समितिले निर्माण गर्न लागेको सडकमा काम गर्न नुवाकोटबाट कीर्तिपुर पुग्नुभएका लामासँग नागरिकता छैन ।