चैत ६ पछि झण्डै पाँच लाखले छाडे राजधानी

सरकारले कोभिड–१९ सङ्क्रमणको जोखिम बढेपछि शैक्षिक संस्था बन्द गर्ने निर्णय गरेसँगै मुलुकको राजधानी काठमाडौँ छाड्ने मानिसको सङ्ख्या ह्वात्तै बढेको छ । चैत ६ गतेदेखि आज बिहानसम्म मात्रै झण्डै पाँच लाखले राजधानी छाडेका छन् । राजधानी भित्रिने क्रम भने न्यून छ ।

पोर्चुगल अवैतानिक दूतावासले अप्ठ्यारामा परेका नेपालीलाई सहयोग गर्ने

पोर्चुगलका लागि नेपाली अवैतानिक वाणिज्यदूत मकरबहादुर हमालले कोरोना सङ्क्रमणबाट बच्न नेपालीलाई सतर्कता अपनाउन आग्रह गर्नुभएको छ । शनिबार वक्तव्य जारी गर्दै उहाँले पोर्चुगल सरकारले जारी गरेको आपत्कालीन घोषणाको आचारसंहिता पालना गरी सुरक्षित रहन सम्पूर्णलाई आह्वान गर्नुभएको हो ।

कोरोनाबारे सत्यतथ्य समाचार मात्र सम्प्रेषण गर्न आग्रह

राष्ट्रिय दलित पत्रकार सङ्घ नेपाललले कोभिड–१९ सङ्क्रमणबारे झुठा र अफवाह फैलाउनेभन्दा पनि सत्यतथ्य सूचना प्रवाह गर्न आमसञ्चार माध्यमलाई आग्रह गरेको छ । कोरोना भाइरसबारे कतिपय सञ्चारमाध्यम र सामाजिक सञ्जालले झुठा समाचार प्रसारण प्रकाशन गरेर जनतामा त्रास फैलाइरहेको अवस्थामा सङ्घले आज प्रेस विज्ञप्ति जारी गरी नेपाल पत्रकार महासङ्घले जारी गरेको सूचनालाई आत्मसात् गरी देशभर क्रियाशीलरूपमा रहेका पत्रकारले सत्यतथ्य...

कोरोनाको रोकथाम र न्यूनीकरणका लागि प्रभावकारी समाचार प्रवाह गर्न निर्देशन

सञ्चार तथा सूचना प्रविधिमन्त्री डा युवराज खतिवडाले कोभिड–१९ को रोकथाम र जोखिम न्यूनीकरणका लागि सार्वजनिक सञ्चारमाध्यम र सञ्चार सेवा प्रदायक संस्थालाई थप प्रभावकारी सूचना प्रवाह गर्न निर्देशन दिनुभएको छ । सञ्चार मन्त्रालयमा ती निकायका प्रमुखसँगको आजको छलफलमा मन्त्री डा खतिवडाले कोभिड–१९सङ्क्रमण, रोकथाम तथा नियन्त्रण उच्चस्तरीय समन्वय समिति र सरकारका निर्णयसम्बन्धी समाचार व्यवस्थित र प्रभावकारीरुपमा सम्प्रेषित...

मास्क र स्यानिटाइजर कालोबजारी गर्ने पक्राउ

मास्क र स्यानिटाइजरको कालोबजारी गरिरहेका यहाँस्थित चार औषधी व्यवसायीलाई पक्राउ गरिएको छ । जिल्ला प्रशासन कार्यालय र जिल्ला प्रहरी कार्यालय धनुषाको संयुक्त अनुगमन टोलीले चारै जनालाई कालोबजारी गरिरहेको अवस्थामा पक्राउ गरेको हो ।

कोरोना भाइरसः सतर्कता अभिवृद्धि गर्न अध्यक्ष प्रचण्डको अपील

नेपाल कम्युनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले विश्वव्यापी महामारीका रुपमा देखापरेको कोरोना भाइरस (कोविड–१९) को संक्रमणबाट बच्न सावधानी र चेतना अभिवृद्धि गर्न सिंगो पार्टी पंक्ति र आम जनसमुदायमा अपील गर्नुभएको छ ।

रङ्गशाला निर्माणको काम स्थगित

विश्वभर फैलिएको कोरोना भाइरस ९कोभिड–१९० बाट सुरक्षित रहन भन्दै धुर्मुस–सुन्तली फाउण्डेशनले चितवनको रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशाला निर्माणको काम स्थगन गरेको छ । फाउण्डेशनले शनिबार एक प्रेस विज्ञप्ति सार्वजनिक गर्दै सामान्य अवस्था नहुन्जेलसम्मलाई काम स्थगन गरिएको जानकारी गराएको हो ।

महोत्तरीका सीमा नाका बन्द

कोभिड–१९ (कोरोना भाइरस) को सम्भावित जोखिमलाई ध्यान दिँद जिल्लाका भारतीय सीमानाका बन्द गरिएका छन् । जिल्लाको भिठ्ठामोरबाहेकका सबै सीमानाका आवातजावत गर्न समेत पूर्णरूपमा बन्द गरिएको प्रमुख जिल्ला अधिकारी सूर्यबहादुर खत्रीले जानकारी दिनुभयो ।

दैनिक उपभोग्य वस्तु गोदाममा छ , बजारमा छैन

स्थानीय बजारमा दैनिक उपभोग्य वस्तुको कृत्रिम अभाव सिर्जना गरिएको छ । सरकारले कोभिड–१९ (कोरोना भाइरस) को सम्भावित जोखिमलाई ध्यान दिँदै यसकोे रोकथामका लागि मुलुकभर अत्यावश्यकबाहेकका सेवा बन्द गर्ने र सीमामा कडा निगरानी बढाउने कदम चालेपछि सो प्रयास गरिएको हो । तर खाद्यान्न र खाना पकाउने ग्यासको अनुगमन गर्दा आत्तिनुपर्ने स्थिति नभएको पाइएको छ ।

करिव नौ हजार ३५२ बालबालिकालाई खोप लगाइँदै

राष्ट्रिय खोप कार्यक्रमअन्तर्गत भोली सोमबारदेखि २९ गतेसम्म यहाँ दादुरा–रुवेला रोगविरुद्ध खोप अभियान सञ्चालन हुने भएको छ । स्वास्थ्य कार्यालयले शनिबार एक कार्यक्रमको आयोजना गरेर दुई चरणमा नौ महिनादेखि पाँच वर्षसम्मका नौ हजार ३५२ बालबालिकालाई सो रोगविरुद्ध खोप दिने लक्ष्य राखिएको जानकारी गराएको छ ।