मिस अमेरिका चेस्लीद्वारा आत्महत्या 

सन् २०१९ मा मिस अमेरिकाको ताज पहिरेकी चेस्ली क्रिस्टले आइतवार आत्महत्या गरेकी छन् । उनले न्यूयोर्कस्थित म्यानहटनको एउटा भवनको २९ औँ तलाबाट हामफालेर आत्महत्या गरेको न्यूयोर्क पुलिस र उनको परिवारले जनाएको छ । उनी केही दिनदेखि सोही भवनको नवौँ तलामा बस्दै आएको प्रहरीले जनाएको छ ।

‘यो माया’ सार्वजनिक

गोविन्द राईको निर्देशन तथा कन्सेप्ट रहेको म्युजिक भिडियो ‘यो माया’ सार्वजनिक भएको छ । गीतमा निषाद सिंहको आवाज, शब्द र लय सिर्जना रहेको छ भने साज सिंहले भिडियोको एरेन्ज गर्नुभएको हो ।

पल र मलिकाको 'गाँजल टिकी' सार्वजनिक

पल शाह र मलिका महत अभिनित 'गाँजल टिकी' बोलको गीत सार्वजनिक भएको छ । गीतमा एकदेव लिम्बुको स्वर रहेको छ भने भिडियोलाई किरण दाहालले निर्देशन गर्नुभएको हो ।

'चम्पाकली' मा नाजीर र गीता

गायिका मेलिना र गायक रमेश कँडेलको स्वरमा रहेको नयाँ गीत 'चम्पाकली' बोलको भिडियो सहित सार्वजनिक गरिएको छ । गीतमा सितल कादम्बिनीको शब्द रचना र सिडी विजय अधिकारीको संगीत रहेको छ ।

म्युजिक भिडियोले बनायो विश्व रेकर्ड

सगरमाथाको फेदीमा छायाङ्कन भएको म्युजिक भिडियोले विश्व रेकर्ड कायम गरेको छ । पत्रकारिता र कलाकारितामा लागेका पाँच युवाले विश्वकै अग्लो स्थानमा ‘सुन्दर हिमाल’ बोलको गीतको म्युजिक भिडियो छायाङ्कन गरेर गिनिज बुक अफ वल्ड रेकर्डसमा नाम दर्ज गरेका हुन् ।