उपत्यकामा पसल खुले पनि ग्राहक छैनन्

असन, इन्द्रचोक, न्यूरोड, वसन्तपुरलगायत काठमाडौँका भित्री क्षेत्रमा लगभग सबै पसल सञ्चालनमा आएका छन् । त्यहाँ पुग्दा लाग्छ बन्दाबन्दीको धेरै असर छैन, पूर्णरूपमा जनजीवन सहज भइसकेको छ ।          पसल पूर्ववत् खुलेका छन् । सावधानीमा ध्यान दिइएको छैन । सामान खरिद गर्न आएका उपभोक्ताले नै सावधानी अपनाएको देखिन्छ । मानिसको आवत जावत देख्दा अत्यावश्यक कामका लागि मात्र होइन समान्यरुपमा घुमफिरका लागि पनि बाहिर निस्केका छन् ।...

कुवेतबाट सात बालबालिकासहित १४९ महिला स्वदेश भित्रिए

कुवेतबाट आज पनि १४९ जना नेपाली नागरिक स्वदेश फर्किएका छन् । कुवतको जजिरा एयरलायन्सको जहाजबाट नेपाली नागरिक लिएर साढे मध्यान्न त्रिभुवन विमानस्थलमा उत्रेको हो । त्रिभुवन अन्तर्राष्ट्रिय विमानस्थलका प्रवक्ता देवचन्द्रलाल कर्णले १४२ जना महिला सात जना बालबालिकासहित १४९ जना नेपाल आउनुभएको जानकारी दिनुभयो । तीमध्ये केही भर्खर जन्मेका शिशुसमेत रहेको जनाइएको छ ।

नगरपालिका प्रमुख मलासी ग्र्याण्डी अस्पतालमा भर्ना, स्वास्थ्यमा सुधार

डोटीको दिपायल सिलगढी नगरपालिकाकी प्रमुख मञ्जु मलासीको काठमाण्डौँस्थित ग्राण्डी इन्टरनेशनल अस्पतालमा उपचारका लागि भर्ना गरिएकाे छ । पारिवारिक स्रोतका अनुसार उहाँकाे स्वास्थ्य अवस्था सुधारोन्मुख रहेको छ ।

सप्तरीमा एक महिनामा २१ जना कोरोना सङ्क्रमित निको भएर घर फर्किए

सप्तरीमा एक महिनाको अवधिमा २१ जना कोरोना भाइरस सङ्क्रमित निको भएर घर फर्किएका छन् । जिल्लाको पहिलो सङ्क्रमितसहित हालसम्म २१ जना निको भएको गजेन्द्र नारायण सिंह अस्पताल राजविराजले जनाएको छ । वैशाख २९ गते पहिलो सङ्क्रमित आइसोलेसनमा भर्ना गरिएको थियो । पहिलो कोरोना सङ्क्रमित डाक्नेश्वरी नगरपालिका -३, हटेलका १८ वर्षीय नसिम हुसेन १८ दिनको उपचारपछि गत जेठ २२ गते घर फर्केका छन् । पछिल्लो पटक बिहीबार एकैदिन १७ जना कोरोनालाई...

बन्दाबन्दीको अवधिमा झण्डै दुई लाख ५० हजार स्मार्ट चालक अनुमतिपत्र छापियो

यातायात व्यवस्था विभागले बन्दाबन्दीको अवधिमा झण्डै दुई लाख ५० हजार स्मार्ट चालक अनुमतिपत्र छापेको छ । छाप्न बाँकी अनुमतिपत्रको सङ्ख्या पनि झण्डै त्यति नै रहेको विभागले जनाएको छ । बन्दाबन्दी जारी रहँदा विभागले चालक अनुमतिपत्र छपाइलाई निरन्तरता दिइरहेको हो । गतबैशाख महिनासम्म झण्डै एक लाख ४० हजार र यही जेठ महिनामा एक लाखभन्दा बढी अनुमतिपत्र छपाइ भएको छ । आवश्यक स्वास्थ्य सावधानी र सामाजिक दूरी कायम गरेर छपाइ अघि...