कोभिड–१९ का कारण 'मुख्यमन्त्री जनता स्वास्थ्य कार्यक्रम' हुन सकेन

नसर्ने रोग र तिनका जोखिम समयमा नै पहिचान गरी उचित परामर्श वा उपचार गर्ने उद्देश्यले सुरु भएको मुख्यमन्त्री जनता स्वास्थ्य परीक्षण कार्यक्रम काभ्रेपलाञ्चोक जिल्लामा हुन सकेन । चैतबाट सुरु भएको उक्त कार्यक्रम कोभिड–१९ का कारण हुन नसकेको हो ।

टेकु अस्पतालमा रेबिजविरुद्धको खोप लगाउनेको सङ्ख्या वृद्धि

शुक्रराज ट्रपिकल तथा सरुवा रोग अस्पताल टेकुमा दैनिक झण्डै डेढ सय रेबिजविरुद्धको खोप लगाउन आइरहेका छन् । बन्दाबन्दी खुकुलो भएसँगै अस्पतालमा सामान्यावस्थामा जत्तिकै सङ्ख्यामा बिरामी आइरहेको अस्पतालले जनाएको छ । सामान्यावस्थामा दैनिक डेढ सयदेखि दुई सयसम्म बिरामी उपचारका लागि आउने गरेको अस्पतालका निर्देशक डा सागर राजभण्डारीले बताउनुभयो । बन्दाबन्दीको शुरुआती दिनमा यो सङ्ख्या दैनिक झण्डै एक सय थियो । उहाँका अनुसार...

तीनवटा प्रदेशमा ७२ प्रतिशत कोरोना सङ्क्रमित

नेपालमा कोभिड–१९ ले सबैभन्दा बढी तीनवटा प्रदेश प्रभावित भएको छ । तीनै प्रदेशको सङ्क्रमितको सङ्ख्या नेपालमा कुल सङ्क्रमितको तीन चौथाइ छन् । बुधबारसम्म दुई लाख ९३ हजार ७३९ जनामा आरटी पीसीआर परीक्षण गरिएको छ । सत्र हजार ६१ जना सङ्क्रमितको पुष्टि भएको छ । प्रदेश २, प्रदेश ५ र सुदुरपश्चिम प्रदेशमा गरी कुल सङ्क्रमित १२ हजार ४४० छन् । जुन नेपालको कुल सङ्क्रमितको ७२ प्रतिशत हुन आउँछ ।

कोरोनाका गम्भीर बिरामीलाई सङ्क्रमणमुक्त भएका व्यक्तिको ‘प्लाज्मा’ दिने तयारी   

सरकारले कोरोना सङ्क्रमणबाट गम्भीर अवस्थामा पुगेका बिरामीलाई सङ्क्रमण मुक्त भएका व्यक्तिको ‘कन्भालेसेन्ट प्लाज्मा’ दिएर उपचार गर्ने तयारी गरेको छ । यसका लागि नेपाल सरकार मातहतको स्वास्थ्य अनुसन्धान परिषद्ले कोरोना निको भएका व्यक्तिलाई प्लाज्मा दानका लागि सम्पर्क गर्न अनुरोध गरेको छ ।    

थप ११६ जना नयाँ सङ्क्रमित, कुल सङ्क्रमित १७ हजार ६१

नेपालमा पछिल्लो चौबीस घण्टामा कोरोनाभाइरसका ११६ सङ्क्रमित थपिएका छन् । थपिएका सङ्क्रमितसँगै हालसम्म कोरोनाभाइरसका बिरामी सङ्ख्या १७ हजार ६१ पुगेको छ । स्वास्थ्य तथा जनसङ्ख्या मन्त्रालयले आफ्नो नियमित पत्रकार सम्मेलनमा पछिल्लो चौबीस घण्टामा कोरोनाभाइरसबाट ११६ जना नयाँ सङ्क्रमितको पुष्टि भएको जनाएको छ ।