रत्न र रशिलालाई बाह्रबिसे कप ब्याडमिन्टन उपाधि
गोरखापत्र अनलाइन
मंसिर १८, २०७८ शनिबार
बाह्रबिसे कप खुला ब्याडमिन्टनको उपाधि रत्नजित तामाङ र रशिला महर्जनले जित्नुभएको छ । सिन्धुपाल्चोकको बाह्रबिसेमा शनिबार भएको फाइनलमा पुरुष एकलतर्फ आर्मीका खेलाडी रत्नले आर्मीकै नविन श्रेष्ठलाई २१–१८, २१–१९ को सेटमा हराउँदै च्याम्पियन बन्नुभएको हो । उपाधिसँगै रत्नले एक लाख २५ हजार रुपियाँ पुरस्कार पाउनुभयो । दोस्रो हुनुभएका नविनले ६५ हजार रुपियाँ प्राप्त गर्नुभयो ।
