स्पेनिस ला लिगामा बिल्बाओ र गेटाफेको बराबरी

स्पेनिस ला लिगाको मध्यम टोली एथलेटिक बिल्बाओले रेलिगेसनको दबाबमा रहेको गेटाफेसँग अंक बाँडेको छ । सोमबार राति भएको खेलमा बिल्बाओ र गेटाफेले गोलरहित बराबरी खेल्दै अंक बाँडका हुन् ।

गल्फ टुरमा कुमार र जयरामको अग्रता

सूर्य नेपाल गल्फ टुर अन्तर्गत सिजनको पहिलो स्पर्धा काठमाडौँ ओपनमा कुमार कामी र जयराम श्रेष्ठले अग्रता लिनुभएको छ । पार ६८ को रोयल नेपाल गल्फ क्लबमा सोमबारबाट सुरु भएको प्रतियोगितामा कुमार र जयरामले समान ६ अन्डर ६२ खेल्नुभयो ।

युथ एलटेक्सिको पहिलो दिन राममाया र प्रकाशलाई स्वर्ण

युथ एलटेक्सि च्याम्पियनसिपको पहिलो दिन तीन हजार मिटर दौडमा जुम्लाकी राममाया बुढा र प्रकाश कठायतले स्वर्ण पदक जित्नुभएको छ । एथलेटिक्स परिवार नेपालको आयोजनामा सोमबारदेखि सुरु भएको च्याम्पियनसिप अन्तर्गत महिलातर्फ राममायाले निर्धारित दूरी १० मिनेट ४४.५ सेकेन्डमा पूरा गर्नुभयो ।

यू–१९ महिला साफ टोलीको विदाई

बंगलादेशको ढाकामा डिसेम्बर ११ देखि २२ तारिखसम्म सञ्चालन हुने यू–१९ महिला साफ च्यम्पियनसिपमा सहभागिता जनाउन लागेको नेपाली टोलीलाई सोमबार अखिल नेपाल फुटबल संघ (एन्फा) ले विदाई गरको छ ।

यू–१९ एसिया कप क्रिकेटका लागि प्रारम्भिक टोलीको घोषणा

नेपाल क्रिकेट सङ्घ (क्यान) ले डिसेम्बर अन्तिम साता संयुक्त अरव इमिरेट्स (यूएई) मा अयोजना हुने यू–१९ एसिया कपको लागि प्रारम्भिक खेलाडी टोलीको घोषणा गरेको छ । क्यानले आइतबार सम्पन्न वाई वाई यू–१९ राष्ट्रिय क्रिकेट प्रतियोगितामा उत्कृष्ट प्रदर्शन गरेका खेलाडीमध्ये २० जनालाई प्रारम्भिक छनोटमा राखेको हो ।

टोट्टनहाम र युनाइटेड विजयी

इङ्लिस प्रिमियर लिग फुटबल अन्तर्गत आइतबार राति भएको खेलमा टोट्टनहाम र म्यानचेस्टर युनाइटेड विजयी भएका छन् । घरेलु मैदानमा भएको खेलमा टोट्टनहामले नर्विच सिटीलाई ३–० गोलले हरायो । युनाइटेडले क्रिस्टल प्यालेसलाई १–० गोलले स्तब्ध बनायो ।

पलेशालाई एसियन युथ पारा गेम्समा स्वर्ण

नेपालकी पलेशा गोवर्धनले बहराइनको मानामा शहरमा जारी एसियन युथ पारा गेम्समा तेक्वान्दोतर्फ स्वर्ण पदक जित्नुभएको छ । ५७ केजी मुनि तौल समूह अन्तर्गत के–४४ स्पर्धाको फाइनलमा पलेशाले इरानकी इब्राहिमी रोजालाई ६–० अंकले हराउँदै स्वर्ण जितेको नेपाली टोलीका प्रशिक्षक कविराज नेगी लामाले जानकारी दिनुभयो ।

भरतको गोलमा आर्मीको पहिलो जित

विभागीय टोली त्रिभुवन आर्मी क्लबले शहिद स्मारक ‘ए’ डिभिजन लिगमा पहिलो जित निकालेको छ । दशरथ रंगशालामा आइतबार साँझ भएको खेलमा साविक उपविजेता आर्मीले ब्रिगेड ब्वाइज क्लब (बीबीसी) लाई १–० गोलले हरायो । आर्मीको जितमा कप्तान भरत खवासले निर्णायक गोल गर्नुभयो ।

बस्केटबलमा आर्मी ए च्याम्पियन

त्रिभुवन आर्मी क्लब ‘ए’ ले थ्री बाइ थ्री पुरुष बास्केटबल प्रतियोगिताको जितेको छ । राष्ट्रिय खेलकुद परिषद् (राखेप) को सेमीकभर्डहलमा आइतबार भएको फाइनलमा आर्मी ‘ए’ ले गोल्डेनगेट ‘ए’ लाई २१–१५ अकले हरायो ।

सूर्य नेपाल गल्फ टुरमा आठ स्पर्धा

नेपालको घरेलु व्यवसायिक गल्फ प्रतियोगिता ‘सूर्य नेपाल गल्फ टुर २०२१–२०२२’ मा आठ वटा प्रतियोगिता हुने भएको छ । कोरोना भाइरसका कारण रोकिएको टुरको पहिलो स्पर्धाको रुपमा सोमबारदेखि सूर्य नेपाल काठमाडौँ ओपन हुन लागेको आयोजक नेपाल प्रोफेसनल गल्फर्स एसोसिएसनले जानकारी दिएको छ ।

यू–१९ क्रिकेटमा लुम्बिनी च्याम्पियन

लुम्बिनी प्रदेश वाई वाई यू–१९ पुरुष क्रिकेट प्रतियोगितामा च्याम्पियन बनेको छ । कीर्तिपुरस्थित टियू मैदानमा आइतबार भएको फाइनल खेलमा लुम्बिनीले सुदूरपश्चिम प्रदेशलाई एक सय १३ रनले हरायो । जितका लागि दुई सय १३ रनको लक्ष्य पछ्याएको सुदूरपश्चिम २८.३ ओभरमा सबै विकेटको क्षतिमा ९९ रनमा समेटिएको थियो ।

नेपालकी जुरेलीसँग अमेरिकी रेस्लर निरीह

नेपाली रेस्लर अस्मिता जुरेलीले अन्तर्राष्ट्रिय रेस्लिङ प्रतियोगिताको सिङ्गल फाइटमा अमेरिकी रेस्लरलाई पराजित गर्नुभएको छ । प्रतियोगिताकै मुख्य स्पर्धाका रुपमा रहेको सिङ्गल फाइटमा जुरेलीले अमेरिकाकी जेसी स्ट्रोमलाई प्रतिस्पर्धात्मक भिडन्तमा हराउनुभएको हो ।

म्यानचेस्टर सिटी शीर्षस्थानमा

म्यानचेस्टर सिटी इङ्लिस प्रिमियर लिग फुटबलको शीर्षस्थानमा उक्लिएको छ । शनिबार राति भएको खेलमा वाटफोर्डलाई उसैको मैदानमा ३–१ गोलले हराउँदै सिटीले शीर्षस्थान कब्जा गरेको हो ।

ला लिगाको उपाधितर्फ लम्कँदै रियल म्याड्रिड

रियल म्याड्रिडले स्पेनिस ला लिगाको उपाधि दौड थप बलियो बनाएको छ । शनिबार राति भएको खेलमा रियलले बलियो प्रतिद्वन्द्वी रियल सोसिडाडलाई उसैको मैदानमा २–० गोलले हरायो । जितसँगै रियलले शीर्षस्थानमा आठ अंकको अग्रता बनाएको हो ।

प्रकाश एसियाली युथ पारा गेम्सको क्वार्टरफाइनलमा

नेपालका प्रकाश अधिकारी एसियाली युथ पारा गेम्सको ब्याडमिन्टन अन्तर्गत एसएल– ४ क्याटगोरीको पुरुष सिंगल्सतर्फ क्वार्टरफाइनलमा प्रवेश गर्नुभएको छ । समूह ‘सी’ को आफ्नो अन्तिम लिग खेलमा प्रकाशले युएईका हुमेद फाउजी अल्सेनानीलाई २१–२, २१–१ को सोझोको सेटमा सहजै पराजित गर्नुभयो ।