यूरोपको फुटबल बजार तीन अर्ब ४० करोड पाउन्डले खुम्चियो

कोरोना महामारीले यूरोपेली फुटबल बजार उच्च दरले खुम्चिएको छ । सन् २०१९–२० मा यूरोपेली फुटबल बजार तीन अर्ब ४० करोड पाउन्डले खुम्चेको वित्तीय कम्पनी डेलिओटले जनाएको छ । मार्च २०२० मा यूरोपको अधिकांश लिग स्थगित हुन पुगेको र दर्शकको अनुपस्थितिमा सुचारु हुँदा कुल २२ अर्ब एक करोड पाउन्ड मात्रै जमा भएको छ । सन् २००८–०९ को वित्तीय संकटपछि पहिलो पटक यूरोपेली फुटबलको बजार घटेको हो ।

नेपाल धितोपत्र बोर्डलाई अर्थ मन्त्रालयले सोध्यो स्पष्टीकरण

अर्थमन्त्रालयले नेपाल धितोपत्र बोर्ड (सेबोन) लाई स्पष्टीकरण सोधेको छ । विभिन्न सञ्चारमाध्यमममा बोर्ड अध्यक्ष भीष्मराज ढुङ्गाना र उहाँको परिवारले साधारण शेयर बिक्री गर्न लागेको एक कम्पनीसँग मिलेमतो गरेको भन्ने समाचार सार्वजनिक भएपछि मन्त्रालयले स्पष्टीकरण सोधेको हो । मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाले बुधबारदेखि लागू हुने गरी तीन दिनभित्र स्पष्ट गरी पठाउन भनेको छ ।

बङ्गलादेशबाट आइपुग्यो ५२ हजार मेट्रिकटन युरिया मल

बङ्गलादेशबाट खरिद गरिएको ५२ हजार मेट्रिकटन युरिया मल नेपाल आइपुगेको छ । सरकार– सरकार(जिटुजी) मार्फत रासायनिक मल खरिद गरिने सम्झौताअनुसार सो परिमाणको मल कृषि सामग्री कम्पनी लिमिटेड प्रादेशिक कार्यालय वीरगञ्ज, विराटनगर र भैरहवामा आइपुगेको हो । जिटुजी सम्झौताअनुसार बङ्गलादेश सरकारले नेपाल सरकारलाई ५० हजार मेट्रिकटन युरियामल उपलब्ध गराउने भए पनि थप दुई हजार मेट्रिकटन गरी जम्मा ५२ हजार मेट्रिकटन सम्बन्धित कार्यालयमा...

वैदेशिक रोजगारीमा वर्षभरि ७८० ठगीका उजुरी

वैदेशिक रोजगारीमा जाने अधिकांश युवा गाउँघरकै दलाल, सदरमुकाम र सहरका वैदेशिक रोजगार व्यवसायी कम्पनीबाट ठगिने गरेका छन् । कोरोना महामारीमा पनि रोजगारीको खोजीमा रहेका युवा ठगिने क्रम रोकिएको छैन । वैदेशिक रोजगार विभागका अनुसार कोरोना महामारीमा रोजगारीको खोजीमा रहेका बेरोजगारलाई वैदेशिक रोजगार कम्पनी र दलालबाट ठगिएको उजुरी लिएर धाउने क्रम रोकएको छैन ।

कोरियामा रोजगारी तत्काल खुल्ने सम्भावना कम

नेपालीको आकर्षक श्रम गन्तव्य दक्षिण कोरियाको रोजगारी तत्काल खुल्ने अवस्था देखिएको छैन । झन्डै १७ महिनादेखि कोरियामा नेपाली श्रमिकलाई प्रवेश गराउन सहजीकरणका लागि ईपीएस नेपाल र कोरियाली पक्षले प्रयास गरिरहेको भए पनि तत्काल जाने सम्भावना नदेखिएको हो । कोरिया रोजगारी स्थगित हुँदा रोजगार अनुमति प्रणालीअन्तर्गत कोरियाली भाषा परीक्षा उत्तीर्ण गरेका झन्डै १० हजार युवा अन्योलमा छन् ।