गोङ्गबुमा सुटकेशमा टाउको र खुट्टा अलग गरिएको शव फेला

काठमाडौंको गोंगाबुमा सुटकेशमा टाउको र खुट्टा अलग गरिएको शब फेला परेको छ । गोंगबु चोकको गणेश मन्दिरबाट बानियाँटार जाने बाटोतर्फ दुई सय मिटरको दुरीमा कालो सुटकेशमा टाउको र खुट्टा नभएका शब फेला परेको र सोही स्थान भन्दा करीब तीनसय मिटरको दुरीमा रहेको फोहर फाल्ने खोल्सामा टाउको र दुईवटा खुट्टा राखेको झोला फेला परेको महानगरीय प्रहरी अपराध महाशाखाका डिएसपी दीपक थापाले बताउनुभयो ।

सोलु खोलामा पानीको सतह बढ्याे, सेतो पोखरी फुटेको आशङ्का

सोलुदूधकुण्ड नगरपालिका–१ र २ को सिमानामा रहेको शेर्पा भाषामा चोकर्म भनिने सेतो पोखरी फुटेपछि खोला किनारमा बस्ने स्थानीय त्रसित बनेका छन् । शुक्रबार बिहानैदेखि अचानक सोलु खोलामा पानीको सतह बढेपछि नुम्बुर हिमालको काखमा रहेको दूधकुण्ड पोखरी फुटेको अनुमान गर्दै खोला किनारमा रहेका वस्तीमा सावधानी अपनाउन अपिल गरिएको थियो । खोलामा पानीको सतह बढेपछि अवस्था पहिचानका लागि दावा शेर्पा सहितको एक टोली दूधकुण्ड क्षेत्रमा...

कोरोना सङ्क्रमणबाट मृत्यु हुने ७३ पुग्यो

कोरोनाभाइरसको सङ्क्रमणबाट थप तीन जनाको मृत्यु भएको छ । स्वास्थ्य तथा जनसंख्या मन्त्रालयले काठमाडौं उपत्यकाको टोखा, बिराटनगर र बिरगंजमा एक एक गरी तीन जनाको मृत्यु भएको जनाएको छ । यसअघि शुक्रबार पछिल्लो चौबीस घण्टामा कोरोना सङ्क्रमित पाँचजनाको मृत्युको पुष्टि भएको थियो।

काठमाडौँ उपत्यकामा ६२ सङ्क्रमित थपिए

स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा काठमाडौंमा ५६, ललितपुर र भक्तपुरमा तीन तीन जना गरी ६२ जनामा सङ्क्रमणको पुष्टि भएको हो । काठमाडौं उपत्यकामा शुक्रबार अहिलेसम्मकै सबैभन्दा बढी १०६ जनामा कोरोना सङ्क्रमणको पुष्टि भएको थियो ।

गौरमा निषेधाज्ञा, सुनसान बजार क्षेत्र

समुदायमा कोरोना संक्रमण देखा पर्न थालेपछि जिल्ला प्रसाशन कार्यालय रौतहटले शनिवारदेखि एक साताकालागि जिल्ला भरि निषेधाज्ञा जारी गरेको छ । जिल्लाभरि निषेधाज्ञा जारी गरेपछि सदरमुकाम गौर ,पिपरा ,गरुडा,समनपुर ,चन्द्रपुर ,कटहरिया लगायत ग्रामिण भेगका बजार ,पसल ,यातायात बन्द रहनाले सुनसान रहेको हो । कोरोनासंक्रमण फैलिन नदिन स्थानिय प्रसाशनले जारी गरेको निषेधाज्ञामा अत्यावश्यक कार्य बाहेक घरबाहिर निस्कन रोक लगाइएको...