रियल म्याड्रिडले बार्सिलोनालाई हरायो

यस सत्रको स्पेनी ला लिगाअन्तर्गत पहिलो ‘एल क्लासिको’ भिडन्तमा रियल म्याड्रिडले बार्सिलोनालाई उसकै मैदान क्याम्प नोउमा २–१ गोलले हराएको छ ।रियलका लागि डेभिड अल्बा र लुकास भाजक्वेजले गोल गर्नुभयो । बार्सिलोनाका सर्जियो अग्वेरोले सान्त्वना गोल फर्काउनुभयो ।

इरानसँग राम्राे खेल्ने छाैं : महर्जन

एएफसी यु२३ एसियन कप छनोट प्रतियोगितामा नेपालको यु २३ राष्ट्रिय फुटबल टिमले सोमबार इरानविरुद्ध खेल्दैछ । ताजकिस्तानमा हुने सो खेलअघि प्रशिक्षक बालगोपाल महर्जनले प्रतियोगिताका लागि आफ्नाे टिमले तयारीका लागि कम समय पाएपनि इरानविरुद्धको खेलका लागि तयार छौँ, भन्नुभयो ।

भिलारियाललाई बिल्बाओले हरायो

स्पेनी लिगमा एथलेटिक बिल्बाओले भिलारियललाई २–१ गोलले हराएको छ ।

चेल्सी र म्यान्चेस्टर सिटीको सहज जित

चेल्सी र म्यान्चेस्टर सिटीले इङ्लिस प्रिमियर लिगमा शनिबार राति सहज जित निकालेका छन् । रोमलु लुकाकु र टिमो वेर्नरजस्ता प्रमुख स्ट्राइकारहरुको अनुपस्थितिमा पनि चेल्सीले नर्विचलाई ७–० ले हरायो । सो खेलमा प्लेमेकर मासन माउन्टले ह्याट्रिक गर्नुभयो । अन्य गोल कालम हड्सन–ओडोइ, रिस जेम्स र बेन चिलवेलले पनि गोल गर्नुभयो । प्रिमियर लिगमा नर्विच अन्तिम स्थानमा रहेको छ ।

नेपाली मूलका इटालियाली फुटबलर  विकास च्यासल युथमा अनुबन्धित

शहीद स्मारक ‘ए’ डिभिजन फुटबल लिमा खेल्न च्यासल युथ क्लबले शुक्रबार नेपाली मूलका इटालियाली खेलाडी विकास मेराग्लियालाई अनुबन्धित गरेको छ ।नेपालको सबभन्दा ठूलो फुटबल प्रतियोगिता ए डिभिजन लिग कात्तिक २९ गतेदेखि सुरु हुँदैछ । च्यासल तेस्रो पटक घरेलु सर्वोच्च लिग खेल्दैछ ।