९०४ सङ्क्रमित थपिए, एक हजार ३१८ निको, १२ को मृत्यु

पछिल्लो २४ घण्टामा नेपालमा ९०४ जना कोरोनाका नयाँ सङ्क्रमित थपिएका छन् । पछिल्लो २४ घण्टामा ११ हजार छ सय ७२ वटा आरटीपीसीआर परीक्षण गरिएकोमा ९०४ जनामा सङ्क्रमणको पुष्टि भएको हो । यस्तै, दुई हजार ३३१ वटा एन्टीजेन परीक्षण गर्दा २५४जनाको कोरोना संक्रमण देखिएको छ ।

विश्व रेबिज दिवस २०७८ विविध कार्यक्रमसाथ राजधानीमा मनाइयाे

‘रेबिजः तथ्य बुझौं, त्रसित नहोऔं’ भन्ने नारासाथ विश्व रेबिज दिवस २०७८ विविध कार्यक्रमसाथ राजधानीमा मनाइएको छ । पशु सेवा विभाग, स्वास्थ्य सेवा विभाग र काठमाडौँ महानगरपालिकाले पदयात्रा र विचारगोष्ठीसहित संयुक्त रुपमा दिवस मनाएका हुन् । सन् २०३० सम्ममा रेबिजका कारण नेपालमा हुने मानिसको मृत्युलाई शून्यमा झार्ने लक्ष्य पूरा गर्न विश्व स्वास्थ्य संगठन (डब्लूएचओ), विश्व पशु स्वास्थ्य संगठन (ओआईई) र खाद्य तथा कृषि संगठन...

मकवानपुरमा डेङ्गुका बिरामी घट्दै 

मकवानपुरमा डङुेगु सङ्क्रमण घट्दै गएको छ । कोरोना महामारीका कारण सरसफाइ र स्वास्थ्य सावधानीमा जोड दिएपछि लामखुट्टेको टोकाइबाट सर्ने डेङ्गुका बिरामीको सङ्ख्या घट्दै गएको जिल्ला स्वास्थ्य कार्यालय मकवानपुरले जनाएको छ । कार्यालयका अनुसार गत आर्थिक वर्ष हेटौँडालगायत मकवानपुरमा १४ जनामा डेङ्गुको सङ्क्रमण देखिएको थियो । आर्थिक वर्ष २०७६/०७७ तीन हजार ३८ जनामा डेङ्गुको सङ्क्रमण देखिएको थियो ।    

दाताबाट निःशुल्क प्राप्त खाेप नेपाल रेडक्रसद्वारा सरकारलाई प्रदान

कोभिड–१९ विरुद्धको खोप उत्पादक देश अमेरिका, चीन र बेलायतले मानवीय सहयोगअन्तर्गत नेपाल रेडक्रस सोसाइटीलाई निःशुल्क खोप प्रदान गर्न सुरुआत गरेका छन् । यस क्रममा सोसाइटीलाई चिनियाँ रेडक्रस सोसाइटीले एक लाख मात्रा भेरोसिल खोप प्रदान गरेको छ ।    

थप ९७५ जना सङ्क्रमित, एक हजार २६२ निकाे, सातकाे मृत्यु

पछिल्लो २४ घण्टामा नेपालमा ९७५ जना कोरोनाका नयाँ सङ्क्रमित थपिएका छन् । पछिल्लो २४ घण्टामा १२ हजार ८१ वटा आरटीपीसीआर परीक्षण गरिएकोमा ९७५ जनामा सङ्क्रमणको पुष्टि भएको हो । स्वास्थ्य तथा जनसङ्ख्या मन्त्रालयले नेपालमा कोरोना सङ्क्रमणमुक्त हुने दर ९६.२२ प्रतिशत रहेको जनाएको छ । पछिल्लो २४ घण्टामा एक हजार २६२ जना कोरोनामुक्त भएको स्वास्थ्य मन्त्रालयले जनाएको छ ।