नेपालमा कोरोना मृत्युदर दक्षिण एसियाका पाँच राष्ट्रभन्दा कम

मन्त्रालयका अनुसार दक्षिण एसियामा प्रतिदश लाखमा सबैभन्दा बढी मृत्युदर हुने पाकिस्तान र अफगानिस्तान छन् । पाकिस्तानमा प्रतिदश लाखमा २२ जना र अफगानिस्तानमा २४ जना सङ्क्रमितको मृत्यु भएको छ । भारतमा भने प्रतिदश लाखमा १५ जना सङ्क्रमितको मृत्यु भएको छ ।

उपत्यकामा २३ सहित थप २५५ सङ्क्रमित, कुल १६ हजार ४२३

पछिल्लो २४ घण्टामा २५५ जनामा कोरोना सङ्क्रमित पुष्टि भएकाे छ । योसँगै कुल सङ्क्रमित १६ हजार ४२३ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले जानकारी दिनुभएको हो । क्वारेन्टाइनमा २४ हजार ४०, आइसोलेसनमा आठ हजार ६३६ रहेका छन् ।

प्रदेश अस्पताल सुर्खेतमा थपियो पीसीआर मेसिन

प्रदेश अस्पताल सुर्खेतमा कोभिड १९– को स्वाव परीक्षणका लागि नयाँ पिसिआर मेसिन थपिएको छ । प्रदेश अस्पतालले पशुपक्षी रोग अन्वेषण प्रयोगशालामा जडान गरेको उक्त मेसिनबाट कोरोना परीक्षण शुरु भएको छ । यहाँ सञ्चालित मेसिन बिग्रिदा डेढसातादेखि कोरोना परीक्षण हुन सकेको थिएन । सुर्खेतमा परीक्षण बन्द भएपछि यहाँबाट दैलेख, जुम्ला र नेपालगञ्ज परीक्षणका लागि पठाउनुुपरेको थियो ।

दुई हप्तामा ४५ हजार नमुना सङ्कलन गरिँदै

पछिल्लो चार दिनमा भने ९०९ जनामा सङ्क्रमण पुष्टि भएको छ । अझै ७४० जना सङ्क्रमित फेला परेको शुक्रबार चार हजार ४८३ जनाको परीक्षण गरिएको थियो । त्यसयता दैनिक रुपमा नमूना सङ्कलन बढाइएको छ । मङ्गलबार छ हजार १३३ जनाको नमूना परीक्षण गरिदा २०४ जना नयाँ बिरामी फेला परेका छन् ।

नेपालमा ९९ प्रतिशत सङ्क्रमित लक्षणविहीन, ९७ प्रतिशत आयातित

नेपालमा ९९ प्रतिशत कोरोनाभाइरसका लक्षणविहीन ‘असिम्प्टोम्याटिक’ बिरामी रहेका छन् । पुष्टि भएको ९७ प्रतिशत बिरामीमा सङ्क्रमण आयातीत छन् ।