फागुन अन्तिमदेखि इम्बोस्ड नम्बर खुला

यातायात व्यवस्था विभागले फागुन अन्तिमबाट इम्बोस्ड नम्बरको आवेदन खुला गर्ने भएको छ । अन्तिम तयारी भएको र फागुन अन्तिमसम्म अनलाइन आवेदन खुला गरेर काम सुरु गर्ने विभागका महानिर्देशक गोगनबहादुर हमालले जानकारी दिनुभयो ।

ग्यास पाइपलाइनको पनि अध्ययन सुरु

रासायनिक मल उद्योग स्थापनाका लागि गोरखपुरदेखि रूपन्देहीसम्म प्राकृतिक ग्यास पाइपलाइनको अध्ययन सुरु गरिएको छ । मल उद्योग स्थापनाका लागि यस्तो ग्यास पाइपलाइन आबश्यक हुने भएकोले यसकोे सम्भाव्यता थालिएको नेपाल आयल निगमका नायब कार्यकारी निर्देशक सुशील भट्टराईले जानकारी दिनुभयो ।

जनप्रतिनिधिको सेवा सुविधा अन्योलमै

स्थानीय तहका जनप्रतिनिधिले सुविधा लिन हुने या नहुने भन्ने विषयमा अझै स्पष्ट कानुन बन्न सकेको छैन । जनप्रतिनिधि चार महिनादेखि सेवा सुविधाविहीन छन् ।

जहाँ चोरीका घटना हुँदैनन्

समाजमा बढ्दो चोरीका घटना धेरैको टाउको दुःखाईको विषय हुन्छ नै तर हुम्लाको उत्तरी भागमा पर्ने हिमालपारिको गाउँ लिमीले भने चोरी नै नहुने गाउँको परिचय बन(ाएको छ । चोरी गरे पाप लाग्छ भन्ने स्थानीय मान्यताले लिमीका तीनवटै गाउँमा चोरीका घटना नै नहुने गरेको स्थानीय बासिन्दा बताउँछन् ।

एमसीसीबारे कार्यदलले प्रतिवेदन बुझायो

नेपाल कम्युनिष्ट पार्टी (नेकपा)ले मिलेनियम च्यालेञ्ज कर्पोरेशन एमसीसीको अध्ययन गर्न गठन गरेको कार्यदलले आफ्नो प्रतिवेदन शुक्रबार बुझाएको छ ।