माघ २७ गते माओवादी केन्द्रीय समितिको बैठक

सत्ता साझेदार नेकपा (माओवादी केन्द्र)को केन्द्रीय समितिको बैठक माघ २७ गते बस्ने भएको छ । माओवादी केन्द्रीय कार्यालयका मुख्य सचिव श्रीराम ढकालका अनुसार कोभिड–१९ महामारीका कारण माघ ८ गते तय भएको बैठक सरेको हो । महामारी मत्थर भएपछि मात्र बैठक बस्नेगरी माघ २७ गतेका लागि बोलाइएको उहाँको भनाइ छ।

स्थानीय तह निर्वाचन ऐन संशोधन गर्ने विषयमा छलफल

पाँच दलीय सत्ता गठबन्धनका शीर्ष नेताहरु र कानुनविद्हरुबीच आइतबार बसेको बैठक सम्पन्न भएको छ । संविधान र स्थानीय तहको निर्वाचन सम्बन्धि ऐन बाँझिएसँगै यसको संकट मोचनका लागि कानुनविद्हरुसँग परामर्श गरिएको बैठकमा सहभागी नेकपा माओवादी केन्द्रका नेता देव गुरुङले बताउनुभयो ।

निर्वाचनका सम्बन्धमा कानुनविद्हरुसँग छलफल

। सरकार सञ्चालनका लागि गठित पाँच दलीय समन्वय समितिको बैठक प्रधानमन्त्री निवास बालुवाटारमा जारी छ । काँग्रेसका वरिष्ठ नेता रामचन्द्र पौडेल संयोजक रहनुभएको उच्चस्तरीय समन्वय समितिको बैठकमा सत्ता गठबन्धनका शीर्ष नेताहरुले कानुनविद्हरुसँग छलफल गरिरहनुभएको नेकपा माओवादी केन्द्रका अध्यक्ष पुष्पकमल दाहाल प्रचण्डका प्रेस संयोजक सूर्य किरण शर्माले जानकारी दिनुभयो ।

आयोगको पत्रको कानुनी र राजनीतिक उपचार खोज्ने राप्रपाको निर्णय

राष्ट्रिय प्रजातन्त्र पार्टी राप्रपाले निर्वाचन आयोगको पत्रको सम्बन्धमा कानुनी र राजनीतिक उपचार खोज्ने निर्णय गरेको छ । आयोगले पार्टीको विधानबाट हिन्दूराष्ट्र, राजसंस्था र झन्डाबाट गाई हटाउन निर्देशन दिएपछि राप्रपाले यस्तो निर्णय गरेको हो । आइतबार पार्टी अध्यक्ष राजेन्द्र लिङ्देनको अध्यक्षतामा बसेको केन्द्रीय पदाधिकारी बैठकले आयोगले माघ ३ गते पठाएको पत्रको सम्बन्धमा छलफल गरेको हो ।

मुलुकको अवस्थाबारे एमालेले सार्वजनिक गर्‍यो १५ बुँदे धारणा (सूचीसहित)

प्रमुख प्रतिपक्षी दल नेकपा (एमाले)ले मुलुकको वर्तमान अवस्थाका विषयमा १५ बुँदे धारणा सार्वजनिक गरेको छ । पार्टी अध्यक्ष केपी ओलीले पत्रकार सम्मेलनमार्फत सार्वजनिक गर्ने भनिएको धारणा आइतबार विज्ञप्तिमार्फत् सार्वजनिक गरिएको हो । एमाले केन्द्रीय प्रचार विभाग उपप्रमुख विष्णु रिजालका अनुसार अध्यक्ष ओली र पत्नी राधिका शाक्यमा कोरोना संक्रमण पुष्टि भएपछि पत्रकार सम्मेलनमार्फत् सार्वजनिक गर्ने भनिएको धारणा विज्ञप्तिमार्फत्...