अनुगमन कार्यविधि मस्यौदा तयार गर्न महानगरले बनायो समिति

काठमाडौँ महानगरपालिकाले अनुगमन कार्यविधि मस्यौदा तयार पार्न पाँच सदस्यीय समिति गठन गरेको छ। हाल भइरहेको अनुगमनको विद्यमान प्रक्रियालाई सरल, सहज, नतिजामुखी बनाउनका लागि समिति गठन गरिएको हो। मंगलबार कामपा उपप्रमुख हरिप्रभा खड्गीको अध्यक्षतामा बसेको विभागीय प्रमुखहरुको बैठकले समिति गठन गर्ने निर्णय गरेको हो। योजना अनुगमन तथा मूल्याङ्कन एकाइका प्रमुख नरेन्द्रविलास बज्राचार्यको संयोजकत्वमा गठित समितिको सदस्यहरुमा...

लमजुङ प्रशासनको सेवा प्रवाह आलोपालो

ओमिक्रोन संक्रमण बढ्दै गएपछि जिल्ला प्रशासन कार्यालय लमजुङले सेवा प्रवाह आलोपालो गर्ने भएको छ । लमजुङमा दिन प्रतिदिन तीब्र रुपमा संक्रमण बढ्दो रहेकाले बुधबारबाट स्थानीय तहका नागरिकलाई आलोपालो सेवा दिने भएको हो । प्रमुख जिल्ला अधिकारी सुशील वैद्यका अनुसार साताको ६ दिन जिल्लाका ८ वटा स्थानीय तहका नागरिकलाई पालैपालो सेवा प्रवाह गरिने छ ।

लुम्बिनीमा राष्ट्रियसभा निर्वाचनको तयारी पूरा

राष्ट्रियसभा निर्वाचनअन्तर्गत लुम्बिनी प्रदेशमा लागेको मतदानको तयारी पूरा भएको छ। तीन सिटका लागि हुन लागेको निर्वाचनको मतदान केन्द्र घोराहीमा रहेको कर्मचारी मिलन केन्द्रमा तोकिएको छ। निर्वाचन आयोगका निर्वाचन अधिकृत मीनराज भट्टराईका अनुसार मतदान बिहान ९ बजेदेखि दिउँसोको ३ बजेसम्म हुनेछ।

प्रचण्ड पत्नी सीता दाहाल डिस्चार्ज

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ पत्नी सीता दाहाल डिस्चार्ज हुनुभएको छ। कोरोना संक्रमण पुष्टि भएपछि नेपाल मेडिसिटी अस्पतालमा उपचार गराइरहनु भएकी दाहाल मंगलबार डिस्चार्ज हुनुभएको हो। शुक्रबार मेडिसिटी अस्पताल भर्ना भएर आईसीयूमा उपचारपछि उहाँ मंगलबार डिस्चार्ज हुनुभएको अस्पतालका मेडिकल सुपरिटेन्डेन्ट डा. राज राणाले जानकारी दिनुभयो।

स्थानीय तहको निर्वाचन मिति तत्काल तोक्न निर्वाचन आयोगको आग्रह

निर्वाचन आयोगले स्थानीय तहको निर्वाचन मिति यथाशीघ्र तोक्न सरकारलाई आग्रह गरेको छ। मंगलबार विज्ञप्ति सार्वजनिक गर्दै आयोगले यस्तो आग्रह गरेको हो। २०७४ वैशाख ३१ गते पहिलो, असार १४ गते दोस्रो र असोज २ गते तेस्रो चरणमा सम्पन्न भएकाले जनप्रतिनिधिको पदावधि सकिन लागेको भन्दै आयोगले यस्तो आग्रह गरेको हो।