सिंहदरबारको अधिकार घरमा आएको अनुभूति गर्दै ज्येष्ठ नागरिक

पोखरा महानगरपालिका–२० भलामका ७० वर्षीय रेवतीविलास पौडेलले यतिखेर सिंहदरबारको अधिकार घरमै आएको अनुभूति गर्नुभएको छ । मुटु र मिर्गाैला रोगको लामो समयदेखि औषधि सेवन गर्दै आउनुभएका ७० वर्षीय पौडेलले दुःख परेको बेला आवश्यक औषधि घरमै आएपछि अधिकार प्राप्त भएको अनुभूति गर्नुभएको हो ।

जेटिएको जागिर छाडेर कुरिलो खेतीमा

व्यावसायिक रुपमा कुरिलो खेती गर्नुभएका पाल्पाका जीवलाल घिमिरेलाई लकडाउनको समय कुरिलो टिप्दै बेच्ने गर्दैमा ठीक्क छ । उहाँ एक दिन बिराएर १५ किलोसम्म कुरिलो टिपेर बेच्ने गर्नुहुन्छ । ‘लकडाउन भएपछि घरमै कुरिलो खरीद गर्न धेरै आउँछन्, लकडाउनले कुरिलोको माग बढ्यो, पु¥याउनै समस्या भइरहेको छ’, उहाँले भन्नुभयो । उहाँले गत फागुन २८ गतेदेखि हालसम्म रु एक लाख एक हजारको कुरिलो बिक्री गरिसक्नुभएको छ ।

छिमेकीले बनाइदिए ८० वर्षीया एकल महिलालाई ओत लाग्ने घर

हलेसी तुवाचुङ नगरपालिका–७ महादेवस्थानस्थित ऐसेलुखर्ककी ८० वर्षीया एकल महिला हीरामाया राईलाई स्थानीय खामाखा खार्चुम समाजमा आबद्ध छिमेकी युवाले घर बनाइदिएका छन् । लट्ठीको सहारामा मात्र हिँडडुल गर्न सक्ने भूकम्पपीडित हीरामायाले नयाँ घर निर्माण गर्न राष्ट्रिय पुनःनिर्माण प्राधिकरणबाट अनुदान पाए पनि जनशक्ति अभावमा घर बनाउन नसकेर बिचल्लीमा परेपछि समाजमा आबद्ध छिमेकी युवाले श्रमदान जुटाएर घर निर्माण गरिदिएका...

खुकुरी प्रहार गरी श्रीमतीको हत्या

घरायसी विवादका कारण पूर्वी चितवनमा शनिबार राति एक व्यक्तिले आफ्नी श्रीमतीको हत्या गरेका छन् । जिल्ला प्रहरी कार्यालय चितवनले दिएको जानकारीअनुसार खैरहनी नगरपालिका–९ सिमलटाँडीमा ४२ वर्षीय कृष्णप्रसाद अधिकारीले ३४ वर्षीया श्रीमती मञ्जुको खुकुरी प्रहार गरी हत्या गरेका हुन् ।

कालीकोटमा एक हजार ७४२ जनालाई तीन करोड सहयोग

कोरोना सङ्क्रमण रोकथामका लागि सरकारले गत चैत्रवाट सुरु गरेको वन्दावन्दीले आर्थिक संकट मुलुकमा देखि सकेको छ । कालीकोटका स्थानीय तहले पनि वन्दावन्दीका वेला आ आफ्नो स्थानीय तहका विपन्न नागरिकलाई राहत वितरण गरिरहेका छन । जिल्लाका सबै स्थानीय तहले दिएको जानकारी अनुसार तीन करोड वढि रकम राहत वितरणमा खर्च भएको वताएका छन ।