अफगानिस्तानमा विस्तारित मन्त्रिपरिषद् पनि महिलारहित

अफगानिस्तानमा काम चलाउ मन्त्रिपरिषद् पनि महिलाविहिन भएको छ ।अघिल्लो महिना सत्ता कब्जा गरेर केही हप्ता अगाडी काम चलाउ सरकार बनाएको तालिबानले मंगलबार मन्त्रिपरिषद् विस्तार गर्दा पनि महिलालाई सहभागी गराएको छैन ।

सुडानमा सत्ता हत्याउने प्रयासको महासचिव गुटर्रेसद्धारा निन्दा

संयुक्त राष्ट्रसङ्घका महासचिव एन्टोनियो गुटर्रेसले सुडानमा राजनीतिक सत्ता हत्याउने प्रयास भएको भन्दै सो घटनाको निन्दा गर्नुभएको छ । उहाँले अहिले सुडान राजनीतिक सङ्क्रमणबाट गुज्रिएकोले यसलाई राजनीतिक स्थायित्वतर्फ लैजान नसक्ने हो भने देशका लागि राम्रो नगर्ने भन्दै कसैलाई पनि राजनीतिक कू को प्रयास नगर्न आग्रह गर्नुभएको हो ।

अस्ट्रेलियामा ५.८ रेक्टर स्केलको भूकम्प

दक्षिणपूर्वी अस्ट्रेलियामा ५.८ रेक्टर स्केलको भूकम्प गएको छ । सो भूकम्पले मेलबर्न लगायतका शहरमा घरहरु भत्किएका छन् । स्थानीय सयम बिहान ९ बज तिर सो भूकम्प गएको बीबीसीले जनाएको छ । छिमेकी दक्षिण अस्ट्रेलिया र न्यू साउथ वेल्समा मा पनि भूकम्पको धक्का महसुस गरिएको थियो । साथै ४.० र ३.१ रेक्टरका पराकम्प पनि गएको जनाइएको हो ।

नाइजेरियामा सर्पदंसबाट वर्षेनी दुई हजार मानिसको मृत्यु 

नाइजेरियामा हरेक वर्ष सर्पको टोकाइबाट करिब दुई हजार मानिसको मृत्यु हुने गरेको पाइएको छ । यहाँका एक वरिष्ठ स्वास्थ्य अधिकारीका अनुसार त्यती बाहिर नआएको यस किसिमको स्यास्थ्य समस्याको बारेमा जागरुकता अपनाउन आवश्यक छ।    

लिबियाको संसदद्वारा सरकारबाट विश्वास फिर्ता

लिबियाको पूर्वीस्थित संसद्ले मङ्गलबार देशको एकता सरकारको विपक्षमा अविश्वासको प्रस्ताव पारित गरेको छ। जुन संयुक्त राष्ट्रसंघ समर्थित शान्ति प्रयासलाई नयाँ झट्का हो।