कार्यव्यवस्था समिति बैठक सुरु

संघीय संसद्‍ प्रतिनिधिसभाका कार्यव्यवस्था समिति बैठक भर्खरै सुरु भएको छ । अमेरिकी विकास सहायता मिलेनियम च्यालेन्ज कार्पोरेशन (एमसीसी)को विषयमा सत्ता गठबन्धनका दलले सहमति जुटाउन छलफल सकिपछि बैठक सुरु भएको हो ।

एमसीसी व्याख्यात्मक घोषणासहित पारित गर्ने नेकपा एसको निर्णय

नेकपा (एकीकृत समाजवादी) पार्टीले अमेरिकी विकास सहयोग मिलेनियम च्यालेन्ज कर्पोरेशन (एमसीसी) व्याख्यात्मक टिप्पणीसहित पारित गर्ने निर्णय गरेको छ। आइतबार बसेको नेकपा एसको स्थायी कमिटी बैठकले व्याख्यात्मक घोषणामार्फत् एमसीसी सम्झौताको पक्षमा मतदान गर्ने निर्णय गरेको नेता गंगालाल तुलाधरले जानकारी दिनुभयो।

एमसीसी सम्झौता अनुमोदन गर्ने यस्तो छ सरकारको तयारी

सत्ता गठबन्धन दलले संयुक्त राज्य अमेरिकी सहयोग मिलेनियम च्यालेञ्ज कर्पोरेशन (एमसीसी) व्याख्यात्मक घोषणासहित संसद्‍बाट अनुमोदन गर्ने तयारी गरेका छन्। नेपाली कांग्रेसका वरिष्ठ नेता रामचन्द्र पौडेलका अनुसार प्रधानमन्त्री निवास बालुवाटारमा बसेको सत्ता गठबन्धनको बैठकले एमसीसी सम्झौतालाई व्याख्यात्मक घोषणासहित अनुमोदन गर्ने निर्णय गरेको हो।

संसद्‍ बैठक निर्धारित समयमा बस्न सकेन : दलहरु आन्तरिक छलफलमा

आइतबार दिउँसो १ बजेका लागि  तोकिएको प्रतिनिधिसभाको बैठक निर्धारित समय भन्दा ढिला भएको छ । सङ्घीय संसद् सचिवालयका प्रवक्ता डा. रोजनाथ पाण्डेका अनुसार बैठक एक घण्टाका लागि सारिएको छ । दिउँसो १ बजेका लागि तोकिएको बैठक २ बजेका लागि सारिएको हो । 

व्याख्यात्मक टिप्पणीसहित एमसीसी आजै अनुमोदन गर्न गठबन्धन सहमत

सत्ता गठबन्धनको आइतबार बिहान बसेको बैठकमा मिलिनियम च्यालेन्ज कर्पोरेसन (एमसीसी) व्याख्यात्मक टिप्पणीसहित संसदबाट अनुमोदन गर्नेमा सहमत जुटेको छ ।याे आजै पारित हुनेछ ।