तेह्र वर्षीया बालिका बलात्कार आरोपितलाई १८ वर्ष कैद सजाय

तेह्र वर्षीया बालिकालाई बलात्कार गरेको आरोपमा राजविराज नगरपालिका–४ का २२ वर्षीय आसमान निरालेलाई जिल्ला अदालतले १८ वर्ष कैद सजायको फैसला गरेको छ । जिल्ला अदालतका न्यायाधीश अम्बिकाप्रसाद दाहालको इजलाशले आज आरोपितलाई १८ वर्ष कैद सजाय र १० हजार क्षतिपूर्ति भराउने फैसला गरेको सप्तरी जिल्ला अदालतका सूचना अधिकारी हेमबहादुर बुढाथोकीले बताउनुभयो ।

अध्यक्ष ओली र उपाध्यक्ष गौतमबीच बालुवाटारमा एक घण्टा छलफल

नेपाल कम्युनिष्ट पार्टी (नेकपा) का अध्यक्ष तथा प्रधानमन्त्री केपी शर्मा अ‍ोलीसँग उपाध्यक्ष तथा पार्टी एकता अभियानका संयोजक बामदेव गौतमले भेटवार्ता गर्नुभएको छ । केही समयअघि सकिएको भेटवार्तामा उपाध्यक्ष गौतमले पार्टी एकताको प्रस्ताव राख्नुभएको उहाँको सचिवालयले जनाएको छ ।

गति लियो खुलालु पुलले, करिडोरको यात्रा सहज हुने

कर्णाली करिडोरअन्तर्गत कर्णाली नदीको खुलालुमा बन्ने पुल निर्माणले गति लिएको छ । सम्झौता भएको १२ वर्ष पछि गोरखापत्रको लगातारको निग्रानीले पुल निमार्णले गति लिएको पाइएको छ । गएको पुस महिनामा जिल्ला प्रशासन कार्यालयमा निमार्ण कम्पनी, सडक डिभिजन कार्यालय जुम्लाका प्रमुख र कालीकोटका सबै सरोकारवालाबीचको समीक्षाले पुल निमार्णमा थप बल पुगेको हो ।

परीक्षा उत्तीर्ण भएको महिना दिनमा चालक अनुमतिपत्र पाइने

नयाँ चालक अनुमतिपत्रका लागि फाराम भर्नेको सङ्ख्या पाँच लाखभन्दा बढी हुँदा यातायात व्यवस्था विभागले अनुमतिपत्रको परीक्षा पास गरेका सेवाग्राहीलाई एक महिनाभित्रमा अनुमतिपत्र दिइसक्ने योजना बनाएको छ । ठूलो सङ्ख्यामा कार्ड छाप्ने उपकरण (मास प्रिन्टर) को प्रयोग गरेर एकैदिनमा धेरै सङ्ख्यामा अनुमतिपत्र छाप्न सकिने विभागले जनाएको छ । अहिले तत्काल कार्ड स्टक थोरै सङ्ख्यामा भएकाले छाप्न नसकिएको भए पनि नयाँ कार्ड आउनासाथ...

मन्त्रिपरिषद् बैठक आज साँझ ५ बजे बस्दै

प्रधानमन्त्री केपी शर्मा ओलीले आज मन्त्रिपरिषद बैठक बोलाउनुभएको छ । प्रधानमन्त्रीको सरकारी निवास बालुवाटारमा अपरान्ह ५ बजेपछि बैठक बस्ने तयारी भएको श्रम, रोजगार तथा सामाजिक सुरक्षामन्त्री गौरीशंकर चौधरीले जानकारी दिनुभयो ।