राजधानीमा राप्रपा महाधिवेशन, के भन्छन् प्रतिनिधि ?

राष्ट्रिय प्रजातन्त्र पार्टी (राप्रपा)को महाधिवेशन बुधबारदेखि काठमाडौंको भृकुटीमण्डपमा जारी छ । महाधिवेशनमा देशभरका करिब चार हजार ६ सय प्रतिनिधि सहभागी रहेको राप्रपा महाधिवेशन निर्वाचन समितिले जनाएको छ । महाधिवेशनबाट आगामी दिनमा पार्टीलाई वैकल्पिक शक्तिको रुपमा स्थापित गर्ने उद्देश्य अनुरुप पार्टीलाई एकताबद्ध गर्नसक्ने नेतृत्व चयन हुनुपर्नेमा राप्रपाका नेता तथा कार्यकर्ताले बताएका छन् ।

राप्रपा अध्यक्षको मनोनयन दर्ता शुल्क एक लाख, उपाध्यक्षको ७५ हजार

राष्ट्रिय प्रजातन्त्र पार्टी (राप्रपा) महाधिवेशनमा अध्यक्ष पदका लागि उम्मेदवारी शुल्क एक लाख रुपियाँ तोकिएको छ । राप्रपा विधान मस्यौदा तथा निर्वाचन समितिका सदस्य राजु बस्नेतकाअनुसार उपाध्यक्षका लागि ७५ हजार, महामन्त्रीका लागि ५० हजार र केन्द्रीय सदस्य पदका लागि १५ हजार रुपियाँ मनोनयन दर्ता शुल्क निर्धारण गरिएको छ ।

१६ जिल्लामा काँग्रेस जिल्ला अधिवेशन स्थगित

नेपाली काँग्रेसले जिल्ला अधिवेशन सम्पन्न हुन बाँकी रहेका जिल्लाको अधिवेशन स्थगित गरेको छ । काँग्रेसको केन्द्रीय निर्वाचन समितिको आज बसेको बैठकले अधिवेशन हुन बाँकी जिल्लाको अधिवेशन कार्यक्रम स्थगित भएको हो ।

प्रदेश २ बाट गोरखापत्र प्रकाशन गर्ने प्रदेश सरकारको प्रतिवद्धता

प्रदेश २ का अर्थमन्त्री शैलेन्द्रप्रसाद साहले गोरखापत्र दैनिकको प्रादेशिक संस्करण प्रकाशनको लागि आवश्यक सहयोग गर्न प्रदेश सरकार तयार रहेको बताउनुभएको छ । प्रदेश २ को गोरखापत्र संस्थानका समाचारदाता, वितरक तथा बहुभाषिक पृष्ठका संयोजक तथा सहसंयोजकहरुका लागि विहिबार यहाँ आयोजित अनुशिक्षण कार्यक्रमलाई सम्बोधन गर्नुहुदै अर्थमन्त्री साहले सो कुरा बताउनुभयो ।

राप्रपा महाधिवेशन : बन्दसत्रमा कार्यपत्रमाथि छलफल सुरु 

राष्ट्रिय प्रजातन्त्र पार्टी (राप्रपा) को जारी एकता महाधिवेशनअन्तर्गत बन्दसत्रमा अध्यक्ष पशुपतिशम्शेर जबराको सामाजिक प्रतिवेदनमा छलफल शुरु भएको छ । छलफलमा देशभरबाट महाधिवेशनका लागि छनोट भएका प्रतिनिधि सहभागी छन् ।