जीप दुर्घटनाका घाइते र मृतकका परिवारलाई गाउँपालिकाको सहयोग

लमजुङको मस्र्याङ्दी गाउँपालिकाले जीप दुर्घटनाका घाइते तथा मृतकका परिवारलाई आर्थिक सहयोग गरेको छ । पालिकाले घाइते तथा मृतकको घरमै पुगेर आर्थिक रकम हस्तान्तरण गरेको हो । गत मंसिर २३ गते मस्र्याङ्दी गाउँपालिका वडा ८ भुष्मेमा भएको जीप दुर्घटनाका घाइते तथा मृतकका परिवारलाई गाउँपालिकाका तर्फबाट आर्थिक सहयोग गरिएको गाउँपालिका अध्यक्ष अर्जुन गुरुङले बताउनुभयो ।

प्रहरीमाथि आक्रमण गर्ने समूह पक्राउ

लुटेरालाई नियन्त्रणमा लिन पुगेको प्रहरीमाथि आक्रमण गर्ने समूहलाई धनुषा प्रहरीले पक्राउ गरेको छ । धनुषाको बटेश्वर गाउँपालिका –४ स्थित राम्रो चोकमा लुटपाट भइरहेको सूचनाको आधारमा लुटेरालाई नियन्त्रणमा लिन गरेको प्रहरीचौकी बटेश्वरका प्रहरी सहायक निरीक्षक मनोज पोखरेलमाथि लुटेरा समूहले गएराति आक्रमण गरेको थियो ।

दशौं सन्तानका रुपमा छोरी जन्मिएसँगै प्राणत्याग

मंगलबार बिहान आफ्नो दशौं सन्तानका रुपमा छोरी जन्माएपछि एक जना महिलाले प्राण त्याग गर्नुभएको छ । छोरा जन्मिन्छ भन्ने आशामा रहनुभएकी छत्यालले नयाँ जन्मेकी छोरीको अनुहार हेरेको पाँच मिनेटमा प्राण त्यागगर्नुभएको हो ।

झापामा बुस्टर डोज यसै साताभित्र

जिल्लामा अग्रपङ्तीमा कार्यरत करिब २५ हजार व्यक्तिलाई यसै साताभित्र बुस्टर डोज लगाउने तयारी छ । स्वास्थ्य कार्यालयले गत असार मसान्तसम्ममा कोरोनाविरुद्धको दुवै खोप लगाइसकेकालाई मात्र पहिलो चरणमा बुस्टर खोप लगाउने तयारी गरेको छ ।

मोटरसाइकल एकापसमा ठोक्किँदा एक जनाको मृत्यु

झापाको कचनकवल–४ केचना बजारमा दुई मोटरसाइकल एकापसमा ठोक्किँदा एक भारतीय नागरिकको मृत्यु भएको छ । तीन गम्भीर घाइते भएका छन् ।