धनगढी उपमहानगरमा अख्तियारको छापा, कागजात कब्जा

धनगढी उपमहानगरपालिकामा अख्तियार दुरुपयोग अनुसन्धान आयोगले छापा मारेकोछ । कुहिएको चामल वितरण गरेको र राहत सामग्री खरिद प्रक्रियामा अनियमितताबारे समाचार सार्वजनिक भएपछि अख्तियारको क्षेत्रीय सम्पर्क कार्यालय कञ्चनपुरको टोलीले खाद्यान्न खरिदको टेण्डरसम्बन्धी कागजातहरू नियन्त्रणमा लिएको प्रवक्ता टोपबहादुर विष्टले जानकारी दिनुभयो ।

कोशी अस्पताल विराटनगरबाट एकजना डिस्चार्ज

कोशी अस्पताल विराटनगर अन्तर्गत कोभिड–१९ उपचार केन्द्रमा उपचाररत थप एकजना कोरोना भाइरसमुक्त भएपछि शुक्रबार डिस्चार्ज गरिएको छ । उदयपुरको भुल्केबाट गत वैशाख ५ गते भर्ना गरिएका भारतीय नागरिक २५ वर्षीय मोहम्मद अदुबकर सुल्तान डिस्चार्ज हुनुभएको हो । सुल्तान डिस्चार्ज भएसँगै कोभिड–१९ उपचार केन्द्रबाट १७ जना निको भएर घर फर्कनुभएको छ । अस्पतालमा अझै १८ जना उपचाररत रहनुभएको छ ।

प्रदेश ५ सरकारले कोरोना अस्पतालका क्षमता बढाउने

प्रदेश ५ मन्त्रिपरिषद्काे बिहीबार बसेको बैठकले कोरोना अस्पतालहरूको क्षमता विस्तार, किसानलाई राहतदेखि प्रदेश सभाको बैठकसम्मका निर्णय गरेको छ । जसअनुसार प्रदेश ५ को प्रदेश सभा बैठक जेठ ९ गते बस्ने भएको छ । बैठकले प्रदेश सभा आह्वानका लागि प्रदेश प्रमुखलाई अनुरोध गर्ने निर्णय गरेको हो ।

सप्तरीका सङ्क्रमितका आमाबाबुसहित २३ जनाको पीसीआर रिपोर्ट नेगेटिभ

सप्तरीका सङ्क्रमित युवकका नजिक सम्पर्कमा आएका आमाबाबु, हजुरआमासहित २३ जनाको पीसीआर परीक्षणको रिपोर्ट नेगेटिभ आएको छ । संक्रमित युवकको सम्पर्कमा आएका उनका आमा, बुवा, हजुरआमा, युवकसहित चितवनबाट १३ जनाको समूहमा आएकामध्ये १२, क्वारेन्टाइनमा बसेको बेला क्वारेन्टाइनमा रहेका दुई, त्यहिबेला कपिलवस्तुबाट आएर क्वारेन्टाइनमा बसेका तीन, क्वारेन्टाइनका दुई जना प्रहरी र एक जना स्वास्थ्यकर्मी गरी २३ जनाको थ्रोट स्वाब सङ्कलन...

बैतडी आएका डाक्टर २२ दिनमै फर्किए, क्वारेन्टाइनमा १३ सय, परीक्षण गर्ने किट छैन

सरकारले बैतडी पठाएका तीन जना डाक्टर २२ दिन बसेर काठमाडौँ फर्किनुभएको छ । बैतडीमा दरबन्दीअनुसार एक जना पनि डाक्टर छैनन् । सुदूरपश्चिम प्रदेशका नौ जिल्लामा भारतबाट आएका २६ सय ६८ जना क्वारेन्टाइनमा हुनुुहुन्छ । यसको आधा जनसंख्या बैतडीमा मात्र १३ सय ४५ जना क्वारेन्टाईनमा छन् तर, उहाँहरुको स्वास्थ्य परीक्षण गर्न अस्पतालमा किट छैन ।