बिना काम बाहिर हिँडिरहनुभएको छ ? प्रहरीको फन्दामा पर्न सक्नुहुन्छ...

सरकारले घोषणा गरेको लकडाउनको उल्लङ्घन गरेर यदि तपार्इं बिना काम बाहिर हिँडिरहनुभएको छ ? यदि छ भने तपाईं प्रहरीको फन्दामा पर्न सक्नुहुनेछ । अत्यावश्यक कामबाहेक त्यत्तिकै हिँड्नेलाई प्रहरीले समातेर आजदेखि आफँै क्वारेन्टाइनमा राख्ने भएको छ ।

स्वास्थ्य मन्त्रालयले कर्णाली प्रदेशमा पठायो मेडिकल सामग्री

स्वास्थ्य तथा जनसङ्ख्या मन्त्रालयले कर्णाली प्रदेशका लागि अत्यावश्यक विभिन्न मेडिकल सामग्री पठाएको छ । कोरोना भाइरसको सम्भावित जोखिमलाई लक्षित गरी मन्त्रालयले स्वास्थ्यकर्मी र सुरक्षाकर्मीका लागि ती सामग्री पठाएको हो ।

लकडाउन उल्लङ्घन गर्नेलाई गाउँ प्रवेशमा रोक्दै युवा

कोभिड–१९ सङ्क्रमणको जोखिमलाई दृष्टिगत गरी सरकारले घोषणा गरेको लकडाउनको उल्लङ्घन गर्नेलाई गाउँ प्रवेशमा रोक लगाएका छन् ।

ह्वात्तै बढ्यो तरकारी र फलफूलको मूल्य

गत सातासम्म प्रतिकिलो रु ५० पर्ने गोलभेँडाको अहिले बजार मूल्य रु १५० छ । एउटा कागतीको बजार मूल्य रु पाँच रहेकामा अहिले त्यसको तेब्बर अर्थात रु १५ पुगेको छ ।

सिन्धुपाल्चोकमा चार आइसोलेशन वार्ड

कोरोना भाइरसबाट सङ्क्रमण हुने बिरामीको उपचारका लागि जिल्लामा चारवटा ‘आइसोलेशन वार्ड’ को व्यवस्थापन गरिएको छ । सदरमुकाम चौतारास्थित जिल्ला अस्पताल, मेलम्ची र बाह्रविसे प्राथमिक स्वास्थ्य केन्द्रमा सो सेवा उपलब्ध गराइने स्वास्थ्य कार्यालय सिन्धुपाल्चोकले जनाएको छ ।

विदेशबाट फर्किएका २९७ जना होम क्वारेन्टाइनमा

तनहुँमा दुई हप्ताको अवधिमा विदेशबाट फर्किएका २९७ जनालाई होम क्वारेन्टाइनमा राखिएको छ । कोभिड–१९ को जोखिम नियन्त्रण गर्नका लागि विदेशबाट आएका उनीहरुलाई होम क्वारेन्टाइनमा राखिएको हो ।

दैलखका तीन दैनिक र चार साप्ताहिक बन्द

कोभिड–१९ को सम्भावित जोखिमपछि लकडाउन हुँदा दैलेखबाट प्रकाशित हुने सबै पत्रपत्रिका बन्द गरिएको छ । लकडाउनलाई पालना गर्न जिल्लाबाट प्रकाशित हुने पत्रपत्रिका बन्द गरिएको हो ।

कोरोनाले सम्झाएको गाउँ !

क्यापिटल सिटी काठमाडौँमा गाडीभरि स्टेशनरी सामान लिएर बिक्रीका लागि दिनभर दौडधुप गर्ने जीवन आचार्य यतिबेला खेतबारीको डिलमा टहलिरहनुभएको छ । बागलुङको जैमिनी नगरपालिका–१ कुश्मीशेराका उहाँ कोरोना त्रासका कारण केही दिनअघि मात्रै गाउँ फर्कनु भएको हो ।

पश्चिम नवलपरासीका सातै स्थानीय तहमा क्वारेन्टाइन

विश्वभर महामारीका रूपमा फैलिएको कोरोना भाइरसको सङ्क्रमण रोकथाम तथा नियन्त्रणका लागि पश्चिम नवलपरासीका सातै स्थानीय तहले क्वारेन्टाइन निर्माण गरेका छन् । कोरोना भाइरसको सम्भावित सङ्क्रमण, फैलावट र त्यसबाट निम्तिन सक्ने विपद् व्यवस्थापनका लागि स्थानीय तहले विद्यालय, स्वास्थ्य संस्था तथा खाली चौरलाई उपयोग गर्दै क्वारेन्टाइन निर्माण गरेका हुन् ।

कोरोना भाइरस सङ्क्रमण रोकथाम तथा उपचार कोषमा १२ करोड जम्मा, कर्मचारीले पनि तलब दिने

सरकारले स्थापना गरेको कोरोना भाइरस सङ्क्रमण रोकथाम तथा उपचार कोषमा अहिलेसम्म रु ११ करोड ७६ लाख जम्मा भएको छ । सरकारले गत सोमबार कोरोना भाइरस (कोभिड–१९)को रोकथामका लागि कोषमा रकम जम्मा गर्न आह्वान गरेको थियो ।