लगानी बोर्डको प्रमुख कार्यकारी अधिकृतमा भट्ट, सचिवमा राई

लगानी बोर्डको प्रमुख कार्यकारी अधिकृतमा सुशील भट्टलाई नियुक्त गर्ने निर्णय भएको छ । मन्त्रिपरिषदको सोमबार बालुवाटारमा बसेको बैठकले सो निर्णय गरेको हो । राष्ट्रिय योजना आयोगका सदस्य रहनुभएका भट्टलाई लगानी बोर्डको प्रमुखमा नियुक्त गर्ने निर्णय भएको परराष्ट्र मन्त्री प्रदीपकुमार ज्ञवालीले जानकारी दिनुभयो । सुदूरपश्चिमको डडेल्धुरा पुख्र्यौली घर भएका भट्ट लामो समयदेखि काठमाडौंमा बस्दैआउनुभएको छ ।

अध्यक्षद्वयकाे सक्रियताले सहमति जुट्नेमा नेकपाका नेता आशावादी  

अहिलेको कोरोना महामारी भएका बेला ४४१ जनाको केन्द्रीय कमिटी बैठक आवश्यक नरहेको धेरै केन्द्रीय सदस्यहरूको सुझाव छ । प्रतिनिधिसभाका सांसद तथा नेकपा केन्द्रीय सदस्य नारदमुनी रानाले दुई अध्यक्षबीच घनीभूत छलफल जारी रहेकाले बिहीबारसम्म सहमति बन्ने दाबी गर्नुभयो । “अब २६ गतेको स्थायी कमिटी बैठक सर्दैन, त्यसअघि दुई अध्यक्षबीच सहमति बन्ने सङ्केत आइसकेको छ” रानाले भन्नुभयो ।

तीन पूर्व प्रधानमन्त्रीहरू शीतल निवासमा, दुई अध्यक्षबीच छलफल हुने

राष्ट्रपति विद्यादेवी भण्डारीसँग भेटवार्ता गर्न नेपाल कम्युनिष्ट पार्टी (नेकपा) का तीन जना नेता शीतल निवास पुग्नुभएको छ । अहिले उहाँहरूबीच छलफल भइरहेको बताइएको छ । नेकपाका अध्यक्ष पुष्पकमल दाहाल ‘प्रचण्ड’का प्रेस सल्लाहकार विष्णु सापकोटाकाअनुसार तीनैजना पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल र झलनाथ खनाल बिहान ११ बजे भेटघाटका लागि शीतल निवास पुग्नुभएको हो ।

प्रधानमन्त्रीको मन्त्रीहरूसँगको बैठक सम्पन्न, वर्तमान परिस्थितिबारे जानकारी

प्रधानमन्त्री केपी शर्मा ओलीले आफू नेतृत्वको मन्त्रिमण्डलका मन्त्री तथा राज्यमन्त्रीहरुसँग गर्नुभएको बैठक सम्पन्न भएको छ । शनिबार साँझ बालुवाटारमा भएको करिब एक घण्टा लामो छलफलमा प्रधानमन्त्री ओलीले वर्तमान राजनीतिक परिस्थितिबारे जानकारी गराउनुभएको संघीय मामिला तथा सामान्य प्रशासनमन्त्री हृदयेश त्रिपाठीले जानकारी दिनुभयो ।