दुग्ध विकास बोर्डको लोगो वितरण अभियान

राष्ट्रिय दुग्ध विकास बोर्डले ‘लोगो’ वितरण अभियान सञ्चालन गरेको छ । आन्दोलन, बन्दाबन्दीलगायत हरेक अवस्थामा निर्बाध रूपमा दूध तथा दुग्धजन्य पदार्थको गाडी चलाउन बोर्डले लोगो वितरण गरिरहेको हो । तत्कालीन प्रधानमन्त्री केपी शर्मा अ‍ोलीले अनावरण गरेको सो लोगो देशैभरिका डेरी उद्योगीलाई वितरण गर्ने अभियान सुरु भएको बोर्डका प्रमुख राजेन्द्र यादवले बताउनुभयो । हालसम्म ९५ वटा लोगो वितरण भइसकेका छन् ।

टेलिकमको अल नेट प्याक

नेपाल टेलिकमले सबै सेवा प्रदायकको नेटवर्कमा कुराकानी गर्न सकिने अल नेट भ्वाइस प्याक ल्याएको छ । कम शुल्कमा अन्य सेवा प्रदायकको नेटवर्कमा समेत कुराकानी गर्न सकिने गरी उक्त प्याक ल्याएको कम्पनीले जानकारी दिएको हो । कम्पनीका अनुसार जुनसुकै नेटवर्कमा ५०० मिनेटसम्म कुराकानी गर्न सकिने २८ दिनको प्याक २६५ रुपियाँमा र एक हजार २०० मिनेटसम्म कुराकानी गर्न सकिने ३५ दिनको प्याक ५५० रुपियाँमा प्रयोग गर्न सकिने छ ।

सङ्घीयताको मर्मअनुसार योजना छान्न निर्देशन

आगामी बजेटमा समेट्नुपर्ने मुख्य योजना सात दिनभित्र पेस गर्न अर्थ मन्त्रालयले निर्देशन दिएको छ । आव २०७९/८० को बजेट निर्माण प्रक्रिया अगाडि बढाएको अर्थ मन्त्रालयले बुधबार अन्य मन्त्रालयलाई उक्त निर्देशन दिएको हो । मन्त्रालयमा आयोजित सबै मन्त्रालयका सचिव र नेपाली सेनासँगको छलफलमा अर्थमन्त्री जनार्दन शर्माले सङ्घीयताको मर्मअनुसार सङ्घ, प्रदेश र स्थानीय तहले आफ्नो अधिकार प्रयोग गर्नेगरी कस्तो योजना र नीति बनाउने...

साबुन उद्योग सञ्चालनमा आएन

सरकारले लगानी गरेको जिल्लाको साबुन उद्योग रकम भुक्तानी भएको दुई बर्षसम्म पनि सञ्चालनमा आएको छैन । जिल्ला सदरमुकाम मुसिकोट नगरपालिका ४ को कोटचौतारामा रहेको साबुन उद्योग दुई बर्षदेखि बन्द छ । कर्णाली प्रदेश सरकारको भूमि व्यवस्था कृषि तथा सहकारी मन्त्रालयले कृषि विकास कार्यालय रुकुम (पश्चिम) मार्फत लगानी गरेको साबुन उद्योगको लगानी खेर गएको छ । अति विपन्न लक्षित वर्ग विशेष कार्यक्रम अन्तर्गत बनाइएको साबुन उद्योगमा...

२८ वर्षपछि लुहाम–काभ्रा–कालिमाटी सडकको ट्रयाक खुल्यो

सडक निर्माण कार्य सुरु भएको २८ वर्षपछि सल्यानको लुहाम–काभ्रा–कालिमाटी हुँदै प्रदेश राजधानी जोड्ने सडकको ट्रयाक खोलिएको छ । २०५० सालमा शिलान्यास भएको २६ किलोमिटर सडकको ट्रयाक खुल्न २८ वर्ष लागेको हो ।