ग्लोबल आइएमईको शाखा विस्तार

ग्लोबल आइएमई बैंकले बागलुङको नारायणस्थालमा शाखा विस्तार गरेको छ । बागलुङ नगरपालिका–१४ मा बलेवा क्षेत्रलाई लक्षित गरी २८९औँ शाखा विस्तार गरेको हो । शाखाको उद्योग वाणिज्य महासंघका वरिष्ठ उपाध्यक्ष तथा ग्लोबल आइएमई बैंकका अध्यक्ष चन्द्रप्रसाद ढकालले उद्घाटन गर्नुभएको थियो ।

बुटवल–नारायणगढ सडक विस्तार सुस्त, सास्ती खेप्दै स्थानीय

पूर्वपश्चिम राजमार्गअन्तर्गत नारायणगढ–बुटवल सडकखण्ड विस्तारको शिलान्यास भएको तीन वर्ष पूरा हुँदा १३ प्रतिशत मात्र काम भएको छ । विसं २०७५ चैत ८ गते तत्कालीन प्रधानमन्त्री केपी शर्मा ओलीले रुपन्देहीबाट सडक विस्तारको शिलान्यास गर्नुभएको थियो । सडक विस्तारको काम सम्झौता भएको मितिले ४२ महिनाभित्र सम्पन्न गर्नेगरी सम्झौता गरिएको सो सडक पुनर्निर्माणको प्रगति भने निराशाजनक छ ।

सुनको मूल्य सामान्य वृद्धि, चाँदीको स्थिर

सुनचाँदी बजारमा आज छापावाल सुनको कारोबार मूल्य प्रतितोला तीन सयले बढेर ९९ हजार पाँच सय पुगेको छ । उक्त सुन अघिल्लो दिन प्रतितोला ९९ हजार दुई सयमा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९९ हजार छ ।

मैनहिया–सम्पत्तिया प्रसारण लाइन निर्माण ६० प्रतिशत सम्पन्न

नेपाल र भारतको उत्तर प्रदेश जोड्ने मैनहिया–सम्पत्तिया १३२ किलोभोल्ट (केभी) डबल सर्किट प्रसारण लाइन निर्माण ६० प्रतिशत सकिएको नेपाल विद्युत् प्राधिकरणले जनाएको छ । रुपन्देहीको मैनहिया सबस्टेसनबाट भारतको उत्तर प्रदेशस्थित सम्पत्तिया (न्यु नौतनुवा) सबस्टेसन जोड्ने उक्त प्रसारण लाइनको निर्माण आगामी असारसम्ममा सक्ने लक्ष्य छ ।

सौराहामा निर्माण हुँदै ‘क्यानोपी’

चितवनको पर्यटकीय क्षेत्र सौराहामा नयाँ पर्यटकीय गन्तव्य क्यानोपी निर्माण गरिने भएको छ । पर्यटकलाई थप आकर्षण गर्न सौराहा नजिकै रहेको बाघमारा मध्यवर्ती सामुदायिक वनमा ‘क्यानोपी’को अवधारणा अगाडि बढाइएको हो ।