वीरगञ्ज नाका भएर ईन्धन र खाद्यान्न निर्वाधरुपमा भित्रिंदै

कोरोना भाइरसको महामारीबाट बच्न सरकारले लक डाउन गरेपछि जनताहरु घरभित्र रहेको बेला वीरगञ्ज नाका भएर खाना पकाउने एलपी ग्याँस, ईन्धन, औषधी र खाद्यान्न बोकेका गाडीहरु निर्वाधरुपमा भित्रिरहेका छन् । कोरोना भाईरसको संकमण नहोस् भनी घरभित्र बस्नका लागि सरकारले मुलुकभर लक डाउन घोषणा गरिएपछि ठप्प रहेको मुलुककै प्रमुख नाका वीरगञ्जबाट उपभोग्य वस्तु सहज पार्नको लागि यस्ता गाडीहरु भित्रिरहेका हुन् ।

सामाजिक दुरी कायम गरी तरकारी बिक्रीवितरण

कोभिड –१९ को सम्भावित जोखिम हुन नदिन सरकारले देशभर लकडाउन गरेको मौका छोपी बजारमा खाद्य सामग्री तथा ग्यासको कृत्रिम अभाव सिर्जना गर्न खोज्ने व्यवसायिलाई सचेत गराइएको छ ।

रुपैडिहामा रोकिएका नौ बुलेट ग्यास भित्रियो

भारतीय सुरक्षाकर्मीको अवरोधका कारण सीमापारी रुपैडिहामा रोकिएका नौ वटा ग्यासका बुलेटस्थानीय प्रशासनको पहलपछि बिहीबार दिउँसो नेपाल भित्रिएका छन् ।

दाना आपूर्ति सहज बनाउने तयारी

कोरोना भाइरस सङ्क्रमण रोक्न गरिएको लकडाउनको प्रत्यक्ष असर कुखुरापालन क्षेत्रमा देखिएको छ । किसानमा अहिले आफूले पालेका कुखुराबाट उत्पादित अण्डा र मासु बिक्री नहुने समस्या त छँदैछ भएका कुखुरालाई खुवाउने दानासमेत अभाव हुन थालेको छ ।

अब आधा भरेको ग्यास सिलिन्डर बजारमा

अब उपभोक्ताले आधा ग्यास भरिएको सिलिन्डर पाउने भएका छन् । मागभन्दा बढी आयात गर्दा पनि ग्यासको अभाव देखिएसँगै सबै उपभोक्तालाई आधा सिलिन्डर ग्यास उपलब्ध गराउन लागिएको हो । नेपाल आयल निगमले आज ७।१ किलो ग्यास भएको सिलिन्डरको नयाँ मूल्य तोकेको छ । निगमका अनुसार तराई क्षेत्रबाहेक काठमाडौँ उपत्यकालगायतका अन्य स्थानमा ग्यासको खुद्रा मूल्य प्रतिसिलिन्डर ६८७ रुपैयाँ ५० पैसा तोकिएको छ ।