पसलमा आगलागी हुँदा लाखौँको क्षति

तुलसीपुर उपमहानगरपालिका–७ को पर्सेनीको एक पसलमा आज बिहान आगलागी हुँदा लाखौँ मूल्यका सामान जलेर नष्ट भएका छन् । बिहान करिब ३ः३० बजे स्थानीय सुमित्रा वलीको रिमा किराना पसलमा विद्युत् सर्ट भई आगलागी भएको इलाका प्रहरी कार्यालय तुलसीपुरका प्रमुख श्यामु अर्यालले जानकारी दिनुभयो । आगलागीको खबर पाएलगत्तै सुरक्षकर्मी, स्थानीयवासी घटनास्थलमा पुगेपछि अन्य घरमा थप क्षति हुनबाट जोगिएका छन् ।

अदुवा खेतीतर्फ किसानको आकर्षण बढ्दै

नवलपरासी (बर्दघाट–सुस्तापूर्व)का किसान अदुवा खेतीतर्फ आकर्षित हुँदै गएका छन् । जिल्लामा अदुवा उत्पादन राम्रो हुने र बजारीकरणमा कुनै समस्या नभएकाले अदुवा खेतीतर्फ किसानको आकर्षण बढेको कृषि ज्ञान केन्द्रले जनाएको छ । कृषि ज्ञान केन्द्रका सूचना अधिकारी एवं बागवानी विकास अधिकृत शङ्कर पौडेलले पछिल्लो समय अदुवा खेतीतर्फ किसानको आकर्षण बढेसँगै उत्पादनमा समेत वृद्धि हुँदै गएको बताउनुभयो । आर्थिक वर्ष २०७६÷७७ मा जिल्लाको...

बर्ड–फ्लु भित्रिन नदिन काभ्रेमा उच्च सतर्कता

राजधानी काठमाडौँसहित केही जिल्लामा बर्ड–फ्लु देखिएपछि उपत्यकाको पूर्वी–नाका तथा कुखुरा उत्पादनमा मुलुककै दोस्रो काभ्रेपलाञ्चोकमा उच्च सतर्कता अपनाउन थालिएको छ । यसका लागि जिल्लाको मुख्य नाकामा पन्छीको जाँचलाई कडाइ गरिनुका साथै स्थानीय तहलेसमेत सरोकारवालासँगको छलफललाई तीव्रता दिएका छन् । पनौती नगरपालिकाले आफ्नो क्षेत्रभित्रका व्यावसायिकरुपमा कुखुरा, कालिज तथा पशुपन्छीजन्य पालक कृषकसहित बुधबार महामारीजन्य...

महोत्सवका लागि वन्यजन्तुको चरन क्षेत्र कब्जा

निकुञ्जका वन्यजन्तु चरन गर्ने क्षेत्रमा दुई महिनादेखि कब्जा गरेर रत्ननगर महोत्सव आयोजना गरिन थालेको छ । वन्यजन्तुको बासस्थान रहेको टिकौली चौरमा रत्ननगर उद्योग वाणिज्य सङ्घले महोत्सव आयोजना गर्ने भन्दै गत पुस महिनाको पहिलो साताबाट चौर ओगट्दै आएको हो । कोरोना भाइरसको सङ्क्रमण जोखिम बढेको भन्दै प्रशासनले गत पुस २६ गतेदेखि मेला महोत्सव सञ्चालनमा रोक लगाएपछि अहिलेसम्म त्यस स्थानमा टहरा नहटाई चौर कब्जा गरिएको छ ।...

अस्पतालको बाल उपचार कक्षलाई स्वास्थ्य सामग्री सहयोग

जिल्ला अस्पताल लमजुङमा स्थापना भएको बाल उपचार कक्षलाई १ करोड बढी रुपियाँको स्वास्थ्य सामग्री सहयोग प्रदान गरिएको छ । स्वास्थ्य तथा जनसंख्या मन्त्रालय गण्डकी प्रदेश पोखराको सहकार्य, सिआरएस नेपालको आर्थिक सहयोग र कारितास नेपालद्वारा कार्यान्वयन गरिएको कोभिड १९ को दोस्रो भेरियन्ट इमरजेन्सी रेस्पोन्स परियोजना अन्तर्गत सहयोग प्राप्त भएको हो ।