जयनगरदेखि जनकपुरसम्म ‘ड्राइ रन’ रेल सुरु

धनुषाको कुर्थादेखि भारतको जयनगरसम्म ‘ड्राइ रन’ रेल सेवा सुरु भएको छ । धनुषाको जनकनन्दनी गाउँपालिकाको इनरुवास्थित रेल स्टेशनमा पार्किङ गरी राखिएको रेल आइतबारबाट सुरु भएको हो । इनरुवा स्टेशन हिँडेको रेल ११ बजे जनकपुर आइपुग्ने नेपाल रेल्वे कम्पनीका महाप्रबन्धक निरञ्जन झाले बताउनुभयो ।

पूर्व सहायकमन्त्री शाहको निधन

जाजरकोटका पाका राजनीतिज्ञ एवं पूर्वआपूर्ति सहायक मन्त्री तेजविक्रम शाहको निधन भएको छ । नेपालगञ्ज उपचार गराइरहनुभएका ९१ वर्षीय पूर्व सहायक मन्त्री शाहको निधन भएको हो ।

सार्दिखोला–घाचोकमा पक्की मोटरेबल पुल : स्थानीयवासी खुसी

कास्कीको माछापुच्छ्रे गाउँपालिका–२ सार्दिखोलाका पुष्पराज गौतम गाउँपालिकाको कार्यालय जानुपर्दा पोखरा भएर जाने–आउने गर्नुहुन्छ । गाउँपालिकाको केन्द्र लाहाचोकमा आवत जावत गर्दा हिउँदयाममा सेती नदीमा अस्थायी संरचनाबाट वारपार गर्न सकिने भए पनि बर्खा लागेपछि सार्दिखोलावासीका दुःखका दिन सुरु हुन्छन् ।

गाउँमै कोरोनाविरुद्धको खोप

भारतीय सीमासँग जोडिएको बाँकेको राप्तीपारिका बासिन्दालाई गाउँमै पुगेर कोरोना भाइरसविरुद्धको खोप सेवा उपलब्ध गराइएको छ । राप्ती सोनारी गाउँपालिका–४ अन्तर्गत पर्ने भारतीय सीमा क्षेत्रमा रहेका गुर्दनगौडी, महेशपुर, खयरभट्टी, बासखोली र चुनभट्टीलगायत गाउँका १०९ लाई कोरोनाविरुद्धको खोप दिइएको गाउँपालिका स्वास्थ्य शाखाका संयोजक सुरेश शर्माले जानकारी दिनुभयो ।

प्रदेश सरकारको चार वर्ष :अस्थिरताले काम भएन

देश सङ्घीयतामा गएर पहिलो पटक प्रदेश सभाको निर्वाचन भएपछि बागमती प्रदेश सरकार स्थापना भएको शनिबार चार वर्ष पूरा भएको छ । प्रदेश सरकार स्थापनाको तीन वर्ष ऐन कानुन निर्माण, प्रदेशका लागि आवश्यक संरचनालगायत व्यवस्थापनमा लाग्यो । पछिल्लो एक वर्षभन्दा लामो समय राजनीतिक खिचातानी र अस्थिरतामा बितेको छ ।