भारतले पठाएको बेलुन दार्चुलामा खस्यो, स्थानीय त्रसित

दार्चुलाको नौगाड गाउँपालिका –३ ढामडेरामा भारतीय नम्बर लेखिएको बेलुन भेटिएपछि स्थानीय त्रसित बनेका छन् । नेपाली आकाशमा भारतीय हेलिकोप्टर उड्ने गरेको जानकारी पाएका स्थानीयहरु भारतीय मौसम विभागको नाम र नम्बर लेखिएको बेलुन भेटेपछि त्रसित बनेका हुन् ।

आइतबारबाट पूर्ण रुपमा विद्यालय खुल्दै

लमजुङका विद्यालयहरु फागुन १ गते आइतबारदेखि पूर्ण रुपमा सञ्चालन हुने भएका छन् । जिल्ला प्रशासन कार्यालय लमजुङले फागुन १ गतेबाट विद्यालयहरु सञ्चालनका लागि अनुमति दिएको छ । प्रशासनले एक सूचना जारी गर्दै स्वास्थ्य मापदण्ड अपनाएर नियमित विद्यालय सञ्चालन गर्न अनुरोध गरेको छ ।

भारतीय निर्वाचनका लागि नेपाल–भारत सीमानाका बन्द

भारतको उत्तराखण्डमा हुन गइरहेको विधानसभा निर्वाचनका लागि नेपाल–भारत सीमा बन्द गरिएको छ । १४ फेब्रुअरी २०२२ मा हुने चुनावलाई लक्षित गरी माघ २८ गते बेलुकी ५ बजेदेखि फागुन ३ गते बिहान ७ बजेसम्मका लागि नेपाल–भारत सीमानाका बन्द गरिएको प्रमुख जिल्ला अधिकारी दीर्घराज उपाध्यायले जानकारी दिनुभयो ।

आकाशे पुल प्रयोग गर्दैनन् पैदल यात्रु

पैदल यात्रुको सहजताका लागि रुपन्देहीका थुप्रै ठाउँमा आकाशे पुल बनाइएको छ । तर ती सबै पुल प्रयोग हुने गरेको पाइएको छैन । भैरहवा, बुटवलका मुख्य चोकहरुमा आकाशे पुल निर्माण गरिए पनि यसको प्रयोग गर्नेको संख्या न्यून छ । अधिकांश पैदलयात्रु सडकबाटै हिँडेपछि सडकमा सवारीको जाम हुनेगरेको छ ।

नेपालगञ्जका थप एक संक्रमितको मृत्यु

कोरोना संक्रमणबाट यहाँस्थित भेरी अस्पतालमा उपचाररत नेपालगञ्जमा थप एक संक्रमित पुरुषको मृत्यु भएको छ । भेरी अस्पतालमा उपचारका क्रममा रहनुभएका नेपालगञ्ज उपमहानगरपालिका ९ निवासी ८४ वर्षीय पुरुषको मृत्यु भएको जिल्ला कोभिड ब्यवस्थापन समिति बाँकेले जनाएको छ ।