हेलिकोप्टर चार्टर गरी हिल्साबाट बिरामीको उद्धार

चीनसँगको सीमा नाका हिल्साबाट एक जना बिरामीको हेलिकोप्टर चार्टर गरेर उद्धार गरिएको छ । चीनको पुराङ काउण्टीको ताक्लाकोटमा रहदैआएका बिरामीको उता उपचार हुन नसकेपछि घरपरिवारका सदस्य र आफन्त मिलेर स्थानीय प्रशासनको समन्वयमा हिल्सा ल्याएर हेलिकोप्टरबाट उद्धार गरी काठमाडौं ल्याउनुभएको हो ।

नेपालगञ्ज विमानस्थल खुलेन, दिउँसोसम्म उडान रद्द

बाक्लो हुस्सु र कुहिरोका कारण बिहानैदेखि मौसम बिग्रिएकोले आइतवार दिउँसोसम्म नेपालगञ्ज विमानस्थलको उडान रद्द हुने बताइएको छ । यहाँबाट पश्चिम नेपालका पहाडी जिल्लामा हुने र सङ्घीय राजधानी काठमाडौं तथा पोखराका लागि हुने सबै उडान रद्द गरिएका छन् । उडान रद्द हुँदा विभिन्न ठाउँमा जान विमानस्थल पुगेका सयौं यात्रु विमानस्थलमै रोकिएका छन् ।

शहरमा भन्दा गाउँमा कोरोनाको जोखिम बढी

पछिल्लो केही हप्ता यतादेखि डोटीमा कोरोना सङ्क्रमित हुनेको सङ्ख्या बढ्दै गएपछि यहाँको प्रहरी प्रशासनले बजार आवतजावतमा स्थानीयवासीलाई कडाइ गर्न थालेको छ । रोजगारी गरी भारतबाट फर्किने नागरिकलाई क्वारेन्टिनमा बस्नदेखि सामाजिक दूरी कायम गर्नका लागि अहिले जिल्लाभरिमा प्रहरी खटिएका छन् ।

तीन पालिकामा अस्पताल भवन निर्माण सुरु

म्याग्दीका तीन स्थानीय तहमा बल्ल अस्पतालको भवन निर्माण सुरुआत भएको छ । जग्गा व्यवस्थापन, प्राविधिक तयारी र ठेक्का प्रक्रिया पूरा गरेर मङ्गला गाउँपालिकाको अर्मन हाडेभिरमा १०, अन्नपूर्ण गाउँपालिकाको दोबा र धवलागिरि गाउँपालिकाको ताकममा पाँच–पाँच शय्या क्षमताको अस्पतालको भवन बनाउन थालिएको हो ।

मुक्त हलियाका जीवनस्तर नाजुक

जिल्लाको पूर्वी उत्तरी भेगको बुढीनन्दा नगरपालिका–६ दैयाका हलिया समुदाय गिट्टी कुटेर जीविकोपार्जन गरिरहेका छन् । सरकारले मुक्त हलिया घोषणा गरे पनि हलियाको जीवनस्तर पछिल्लो समय झन् नाजुक बन्दै गएको छ । हलिया समुदायका मानिसले दैनिक जीविकोपार्जनका लागि गिट्टी कुटेर दिन बिताउने गर्दछन् । तर गिट्टी बिक्री नभएपछि बिहान बेलुकी छाक टार्न उनीहरुलाई सकस भएको छ । गिट्टी बेचेर बिहान–बेलुकीको छाक टार्दै आएका उनीहरुले कुटेका...