काभ्रेमा विद्युतीय राहदानी वितरण शुरु

सरकारले विद्युतीय राहदानी अनिवार्य गरेपछि काभ्रेमा पनि सुरु भएको छ । आइतबारबाट प्रमुख जिल्ला अधिकारी हुमकला पाण्डेले एक कार्यक्रमबीच विद्युतीय राहदानी (पासपोर्ट) वितरण सुरु गर्नुभएको हो ।

बाँकेमा कोरोना सङ्क्रमित घटे, अस्पताल भर्ना हुने न्यून

गत केही समय यता बाँकेमा दैनिकजसो बढ्दैगएको सङ्क्रमितको सङ्ख्या आइतवार कमीआएको छ । आइतवार सङ्क्रमितको सङ्ख्या पनि घटेको छ । जिल्ला कोभिड व्यवस्थापन समिति बाँकेका अनुसार भेरी अस्पताल र जमुनाहा नाका दुबै ठाउँमा परीक्षण गर्दा संक्रमितको संख्या घटेको देखिएको हो ।

सेती अस्पतालमा उपचाररत दुई सङ्क्रमितको मृत्यु

सेती प्रादेशिक अस्पतालमा उपचाररत दुई सङ्क्रमितको आज मृत्यु भएको छ । कैलालीको गौरीगङ्गा नगरपालिकाका ६५ वर्षीय वृद्धा र कञ्चनपुरको कृष्णपुर नगरपालिकाका ३१ वर्षीय एक पुरुषको उपचारको क्रममा ज्यान गएको जिल्ला प्रशासन कार्यालयले जानकारी दिएको छ । दुवै जनालाई शनिबार अस्पतालको आइसीयुमा भर्ना गरिएको थियो ।

नेपाल रेल्वे कम्पनीमा चार दिनदेखि तालाबन्दी

जनकपुरधामस्थित नेपाल रेल्वे कम्पनीको कार्यालयमा पूर्व कर्मचारीले दोस्रो चरणको आन्दोलनमा तालाबन्दी गरेका छन् । रेल्वे कम्पनीले पुराना कर्मचारीलाई बिनाकारण निकालेको भन्दै रेल्वेका पुरानो कर्मचारी सङ्घर्ष समितिले बिहीबारदेखि जनकपुरधामस्थित रेल्वे स्टेशनमा रहेको नेपाल रेल्वे कम्पनीको कार्यालयमा तालाबन्दी गरेको हो ।

सामुदायिक वनमा बाघ मृत फेला

पश्चिम नवलपरासी बर्दघाट नगरपालिकाको दाउन्ने देवी सामुदायिक वनबाट मृत अवस्थामा एकपाटे बाघ फेला परेको छ । पश्चिम नवलपरासी बर्दघाट नगरपालिका १६ स्थित दाउन्नेदेवी सामुदायिक वन क्षेत्रको भालु खोलामा एकपाटे बाघ मृत फेला परेको सबडिविजन वन कार्यालय वर्दघाटका प्रमुख सहायक बन अधिकृत गिरीराज पन्तले बताउनुभयो ।