कतारबाट आज चार बालबालिकासहित १५१ स्वदेश फर्किए

कतारमा कोरोना भाइरसको कारण समस्यामा परी नेपाल फर्कन फारम भरेका १५१ जना नेपाली स्वदेश फर्किएका छन् । कतारमा रहेको नेपाली राजदूतावासले दोहाबाट काठमाण्डौका लागि नेपाल एयरलाइन्सको को उडानबाट ४ बालबालिका र १८ महिला सहित जम्मा १५१ जना नेपाली नेपाल फर्किएको जानकारी दिएको हो ।

कामदारप्रति जिम्मेवार हुन वैदेशिक रोजगार कम्पनीहरूलाई दूतावासको आग्रह

अधिकांश वैदेशिक रोजगार कम्पनी आफूले वैदेशिक रोजगारमा पठाएका कामदार प्रति गैर जिम्मेवार भएको पाइएको छ । साउदीस्थित नेपाली राजदूतावासले प्रेस विज्ञप्ति जारी गर्दै केही इजाजत म्यानपावर कम्पनीले कोरोनाका कारण समस्यामा परेका कामदारलाई खाद्यन्न लगायत आवासको लागि पहल गरेको पाईए पनि अधिकांश वैदेशिक रोजगार कम्पनी गैरजिम्मेवार भएको पाइएको बताएको हो । राजदूतावासको वारम्बार अनुरोधलाई समेत वेवास्ता गर्ने गरेको र उल्टै...

मलेसियामा नेपाली सेक्युरिटी गार्ड कुट्ने नेपालीद्वारा आत्मसमर्पण

मलेसियामा एक नेपाली सेक्यूरिटी गार्ड कुटपिट गर्ने व्यक्ति नेपाली नै भएको र उनले प्रहरीसमक्ष आत्मसमर्पण गरेका छन् । कुटपिट गर्ने व्यक्ति कपिलबस्तु जिल्लाका रामगोपाल मुराउ भएको मलेसियास्थित नेपाली राजदूतावासले जानकारी दिएको छ । कुटाई खाने व्यक्ति पनि नवलपरासीका ईस्लाम हुसेन रहेको र दुवै जना नेपाली रहेको दूतावासले बताएको छ । मलेसिशयामा हुसेनलाई कुटपिट गरेको भिडियो सामाजिक सञ्जालमा भाइरल भएको छ ।

गोर्खा सैनिकको तस्बिरअङ्कित स्टर्लिङ पाउण्ड निकाल्ने तयारी

बेलायती सेनामा गोरखा सैनिकले पु¥याएको योगदानको कदर गर्दै बेलायत सरकारले पाउण्डको सिक्कामा गोरखाहरूको तस्विर अङ्कित मुद्रा निकाल्ने तयारी गरिरहेको छ । ट्रेजरी मन्त्री जोन ग्लेनका अनुसार अर्थमन्त्री ऋषि सुनाकले यस किसिमको कदम छिट्टै चाल्न इच्छा व्यक्त गरेका कारण अब तयारीमा रहेको सोमबार लण्डनको एक कार्यक्रममा बताउनुभएको छ ।

कोरोनाले विदेशमा थप एक नेपालीको मृत्यु

विश्वभर महामारीका रुपमा फैलिरहेको कोरोना भाइरसको सङ्क्रमणका कारण विदेशमा यस हप्ता थप एक नेपालीको निधन भएको छ । गैरआवासीय नेपाली सङ्घअन्तर्गतको स्वास्थ्य समितिका अनुसार बेलायतमा थप एकजना नेपालीको निधन भएको हो ।स्वास्थ्य समितिका संयोजक डा सञ्जीव सापकोटाका अनुसार शनिबार साँझसम्म विदेशमा १६१ नेपालीको कोरोना सङ्क्रमणका कारण निधन भएको छ ।