पन्ध्र अन्तर्राष्ट्रिय उडान, १३ सयभन्दा बढी नेपाली स्वदेश फर्किए   

त्रिभुवन अन्तर्राष्ट्रिय विमानस्थलमा आज पनि एकै दिन १५ अन्तर्राष्ट्रिय उडान भएका छन् ।  यसअघि बुधबार र मङ्गलबार पनि अन्तर्राष्ट्रियतर्फ समान १४ उडान भएको थियो । यी सबै उडान यात्रु चार्टर्ड तथा कार्गो हुन् । विभिन्न मुलुकबाट उद्धार उडानमार्फत आज एक हजार ३०० भन्दा बढी नेपाली स्वदेश फर्किएका छन् ।   

बुधबार छ देशबाट एक हजार २६० स्वदेश फर्किए, ४०८ जना विदेश गए

विदेशमा अलपत्र परेकामध्ये बुधबार विभिन्न छ वटा मुलुकबाट एक हजार २६० नेपाली नागरिक नेपाल फर्केका छन् । त्यस्तै नेपालबाट ४०८ जना विदेश उडेका छन् । कोभिड–१९ सङ्कट व्यवस्थापन समितिका अनुसार बुधबार साउदी अरेबियाबाट सबैभन्दा बढी ४०९ जना नेपाली नागरिक नेपाल फर्केका हुन् । त्यस्तै अमेरिकाबाट २८२ जना, अष्ट्रेलियाबाट २५८ जना, कुवेतबाट १५५ जना, युएइबाट १५२ जना, मलेसियाबाट चार जना नेपाली स्वदेश फर्केका छन् ।

अपरान्हसम्म ५२५ जना स्वदेश फिर्ता, राति २५८ आउँदै

विदेशमा अलपत्र परेका नेपाली नागरिक स्वदेश फिर्ता हुने क्रममा मङ्गलबार दिनभरमा ५२५ जना नेपाल आउनुभएको छ । कोभिड–१९ सङ्कट व्यवस्थापन समितिका अनुसार कुवेतबाट १६० जना, कतारबाट १४४ जना, थाइल्याण्डबाट ७८ जना र मालदिभ्सबाट १४३ जना स्वदेश फर्कनुभएको हो । यसरी नेपाल फर्कनेमा प्रदेश १ का ६७ जना, प्रदेश २ का ९१ जना, बाग्मती प्रदेशका १३० जना, गण्डकी प्रदेशका ४५ जना, प्रदेश ५ का ४९ जना, कर्णाली प्रदेशका चार जना र सुदूरपश्चिम प्रदेशका...

थाइल्याण्डबाट ७८ नेपाली स्वदेश फिर्ता

थाइल्याण्डको बैङ्ककस्थित नेपाली राजदूतावासले हालसम्म ३८१ जना नेपाली नागरिकलाई विभिन्न मुलुकबाट नेपाल फर्काइएको जनाएको छ । राजदूतावासले विदेशमा अलपत्र परेका ३८१ नेपाली नागरिकलाई स्वदेश फर्काउन सफल भएको जनाएको हो । राजदूतावासका अनुसार नेपाल वायुसेवा निगमसँगको समन्वयमा थाइल्याण्डबाट १७ जुन २०२० मा २४७ जना र २३ जुन २०२० मा ७८ जनासमेत जम्मा ३२५ जनालाई दुई वटा उडानबाट स्वदेश फर्काइएको छ ।

जिनएयरले एक साता पछि पहिलोपटक काठमाडौँमा उडान गर्दै

 दक्षिण कोरियामा सञ्चालित जिनएयरले पहिलोपटक काठमाडौँमा उडान भर्ने भएको छ । इन्छन–काठमाडौँ–इन्छन दुइतर्फी चार्टर्ड उडान गर्ने भनिएको जिनएयरले ३० जुनमा पहिलो उडान गर्ने गरी तयारी गरेको छ । जिनएयरको चार्टर्ड उडानका लागि सउलस्थित नेपाली राजदूतावासमार्फत उडान स्वीकृति प्रक्रिया नेपालको परराष्ट्र मन्त्रालयमा पुगिसकेको बताइएको छ । उडानको व्यवस्थापन एनआरएनए कोरिया र नेपाली राजदूतावासको समन्वयमा कोरियामा रहेका...