कोरोना भाइरसबाट विश्वभर १२८ नेपालीको मृत्यु, १६ हजार सङ्क्रमित

विश्वभर महामारीका रुपमा फैलिएको कोभिड–१९ सङ्क्रमणका कारण शनिबार साँझसम्म नेपालबाहिर मृत्यु हुने नेपालीको सङ्ख्या १२१ पुगेको छ । गैरआवासीय नेपाली संघ (एनआरएनए) का अनुसार यो साता थप सात नेपालीले कोरोनाका कारण ज्यान गुमाएका छन् । संघका अनुसार संयुक्त अरब इमिरेट्स, बेलायत र संयुक्त राज्य अमेरिका, कुवेत र सउदी अरबमा एक/एक तथा बहराइनमा दुई नेपालीको यो साता निधन भएको हो ।

बेलायतमा थप एक भूपू गोरखाको कोरोनाबाट मृत्यु

कोरोनाबाट बेलायतमा थप एक भूपू गोरखा सैनिकको निधन भएको छ । बेलायतको ग्रेजमा बस्दै आउनुभएका ६१ वर्षीय जीतेन्द्र राईको उपचारका क्रममा मङ्गलबार निधन भएको उहाँको आफन्त बलु राईले जानकारी दिनुभयो । पुख्र्याैली घर खोटाङ भइ उदयपुर बसाइँसराइ गर्नुभएका राई लामो समयदेखि बेलायत बस्दै आउनुभएको थियो ।

विदेशमा रहेका नेपालीका समस्या समाधान गर्न सरकार तयारीमा छ–मन्त्री ज्ञवाली

परराष्ट्रमन्त्री प्रदीप कुमार ज्ञवालीले विदेशमा अध्ययन एवम् रोजगारीमा रहेका नेपालीहरू कोरोना महामारीको कारण समस्यामा परेको बारे सरकार जानकार रहेकाले समस्या समाधानमा लागिपरेका जनाउनुभएकाे छ ।  नेकपा काठमाडौं क्षेत्र नम्बर १ का इन्चार्ज अनिल शर्मा नेतृत्वको टोलीले बुधबार परराष्ट्र मन्त्रालयमा ध्यानाकर्षण गराएपछि मन्त्री त्रवालीले यस्तो जानकारी दिउनुभएकाे हाे ।

कोरोनाबाट विश्वभर ११७ नेपालीको मृत्यु, १३ हजारमा सङ्क्रमण

विश्वभर महामारीका रुपमा फैलिएको कोभिड–१९ सङ्क्रमणका कारण शनिबार साँझसम्म मृत्यु हुने नेपाली ११७ पुगेका छन् । गैरआवासीय नेपाली संघ (एनआरएनए) का अनुसार यो साता थप २१ नेपालीले कोरोनाका कारण ज्यान गुमाएका छन् ।

विदेशमा ज्यान गुमाउने नेपाली श्रमिक दस

कोरोना भाइरसका कारण वैदेशिक रोजगारीका क्रममा अहिलेसम्म विदेशमा १० जना नेपाली श्रमिकले ज्यान गुमाएका छन् । वैदेशिक रोजगार बोर्डका अनुसार वैदेशिक रोजगारीका सिलसिलामा विभिन्न देशमा गएकामध्ये १० जनाको कोभिड १९ बाट सङ्क्रमित भएर मृत्यु भएको हो । नेपाल सरकारले लकडाउन सुरु गरेदेखि विदेशमा मृत्यु भएका २०७ जना श्रमिकमध्ये १० जनाको कोरोना भाइरसका कारण मृत्यु भएको जनाएको हो ।