कालीकोटमा ३३ केभिए प्रसारण लाइन

कालीकोटमा ३३ केभिए प्रसारण लाइन जडान हुने भएको छ । यसभन्दा अघि दैलेखेको दुल्लुदेखि कालीकोटहुँदै जुम्लासम्म ११ केभिए विद्युत् प्रसारण लाइन जडान भए पनि त्यसलाई विस्तार गरेर ३३ केभिए विद्युत प्रसारण लाइन जडान लागेको हो ।

आधुनिक ग्याबिन उद्योग स्थापना

कर्णाली प्रदेशकै पहिलो र आधुनिक ग्याबिन वायर उद्योग सञ्चालनमा आएको छ । सुर्खेतका व्यवसायीहरू पञ्चरत्न शर्मा, श्यामप्रकाश सापकोटा, दुर्गाप्रसाद रेग्मी र सिद्धिखर रेग्मीले १५ करोड रुपियाँको लागतमा सुरक्षा ग्याबिन वायर इन्डस्ट्रिज प्रालि सञ्चालनमा ल्याउनुभएको हो । कर्णाली प्रदेशका मुख्यमन्त्री जीवनबहादुर शाहीले सो उद्योगको उद्घाटन गर्दै निजी क्षेत्र सक्षम नभएसम्म अन्य क्षेत्रको विकास गर्न नसकिने बताउनुभयो...

वैशाखदेखि एमडीएमएस पूर्ण सञ्चालन

अवैध रूपमा भित्रिएका मोबाइल नियन्त्रणका लागि स्थापना गरिएको मोबाइल डिभाइस म्यानेजमेन्ट सिस्टम (एमडीएमएस) वैशाखदेखि पूर्ण सञ्चालनमा आउने भएको छ ।गत साउनदेखि नै लागू गर्ने तयारी गरिए पनि आवश्यक उपकरण आइनपुगेकाले एमडीएमएस प्रयोगमा आउन सकेको थिएन । एमडीएमएसका लागि आवश्यक ‘इम्पोर्टर मोडल’ सञ्चालनमा आइसकेको र ‘कस्टमर मोडल’ सञ्चालनको तयारीमा रहेको नेपाल दूरसञ्चार प्राधिकरणका अध्यक्ष पुरुषोत्तम खनालले जानकारी दिनुभयो...

राष्ट्र बैङ्कको पाँच वर्षे रणनीति तयार

नेपाल राष्ट्र बैङ्कले पाँच वर्षे रणनीतिक योजना तयार गरेको छ । सन् २०२२ देखि २०२६ सम्मका लागि उक्त रणनीतिक योजनाले केन्द्रीय बैङ्कको आगामी पाँच वर्षको समग्र कार्य र रणनीति तय गरेको छ । सन् २००६ देखि रणनीतिक योजना बनाउन थालेको राष्ट्र बैङ्कको यो चौथो रणनीतिक योजना हो ।

रहरको पेसाबाट वार्षिक आठ लाख कमाइ

पश्चिम सुर्खेतको चौकुने गाउँपालिका–२, लगामका ३३ वर्षीय पुष्कल पौडेलका लागि चार वर्षअघि रहरमा गरेको चित्र बनाउने काम अहिले परिवार धान्ने प्रमुख पेसा भएको छ । सुरुमा देउताको चित्र कोर्दै गर्दा पछि सिमेन्टबाट ठूलाठूला आकारमा मूर्ति बनाउने रहर जागेपछि उहाँले मूर्ति बनाउन थाल्नुभयो । “सक्छु कि सक्दिनँ भन्ने दोधारमै मूर्ति बनाउन थालेँ । पहिलो मूर्ति भगवान् शिवको बनाउन सफल भएँ,” पौडेलले भन्नुभयो । मूर्ति बनाउने पेसाबाट...