बाढीमा फसेका दुईको नेपाली सेनाद्वारा उद्धार

गएराति माईखोलामा आएको बाढीमा फसेका दुई जनालाई नेपाली सेनाले उद्धार गरेको छ । इलाम सदरमुकामस्थित पशुपतिप्रसाद गणबाट खटेको नेपाली सेनाको टोलीले माइजोगमाईका दुई जनाको उद्धार गरेको हो । माइजोगमाई गाउँपालिका–५ का ६५ वर्षीय लोकबहादुर नेम्वाङ र ३० वर्षीय जोजो लिम्बूलाई नेपाली सेनाको टोलीले गएराति उद्धार गरेको हो ।

मुस्ताङमा यो वर्ष धेरै वर्षा, सडक अवरुद्ध हुँदा सम्पर्क रोकियो, ४८ परिवार विस्थापित

निकै कम वर्षा हुने भनेर चिनिने हिमालपारिको जिल्ला मुस्ताङमा यस वर्ष भने अत्यधिक भएकाे छ । वर्षाका कारण सडकहरू अवरुद्ध हुँदा अन्य जिल्लाबाट मुस्ताङ प्रवेशकाे सीधा सम्पर्क टुटेको छ । मुस्ताङ प्रवेशका लागि एक मात्र सडक मार्ग बेनी-जोमसोम सडकखण्ड पूर्ण रुपमा अवरुद्ध भएसँगै मुस्ताङ प्रवेश गर्ने र बाहिरिने मार्ग बन्द भएको हो । मुस्ताङका प्रमुख जिल्ला अधिकारी वेदप्रसाद अर्यालका अनुसार सडक यातायात म्याग्दीसँग जोडिएको...

पहिरोले घर बगाउँदा तीनको मृत्यु

त्रिपुरासुन्दरी गाउँपालिका–६ मा गएराति पहिरोले घर बगाउँदा तीन जनाको मृत्यु भएको छ । राति घरमाथिबाट आएको पहिरोले घर बगाउँदा २२ वर्षीय मिलन खाँण, उनकी श्रीमती २० वर्षीया सम्झना र १८ महिने बालकको मृत्यु भएको जिल्ला प्रहरी कार्यालयका सूचना अधिकारी रुपक खड्काले जानकारी दिनुभयो । रातिको समय भएकाले समुदायले उद्धार गर्न जाँदा मृत्यु भइसकेको उद्धारमा संलग्न हरि विकले टेलिफोनबाट जानकारी दिनुभयो । एउटा मात्र घर बगाएको...

म्याग्दी बाढीमा एक जना बेपत्ता, ट्रयाक्टर, बस, एक्स्काभेटर र झोलुङ्गे पुल बगायो

पछिल्लो तीन दिनदेखिको अविरल वर्षाले म्याग्दीको जनजीवन प्रभावित बनेको छ । अन्नपुर्ण गाउँपालिका–३ काभ्रेका ६९ वर्षीय बलबहादुर गर्बुजा काभ्रेको ठाडो खोलाले बगाएर बेपत्ता हुनुभएको छ । जिल्ला प्रहरी कार्यालय, म्याग्दीका डीएसपी किरणजङ्ग कुँवरका अनुसार गर्बुजा बाख्रा लिएर घरतर्फ फर्कँदै गर्दा खोलाले बगाएर कालीगण्डकीमा बेपत्ता हुनुभएकाे हो । उत्तरी म्याग्दीको अन्नपूर्ण गाउँपालिका–३, दानाको रुप्से झरनामा बाढी...

केरुङ छ्यो ताल फुट्ने खतरा, भोटेकोशीका तटीय क्षेत्रमा सतर्क रहन आग्रह   

चीनको स्वशासित क्षेत्र तिब्बतको खासास्थित केरुङ छ्यो ताल फुट्ने खतरा रहेको भन्दै स्थानीय प्रशासनले सुरक्षित रहन प्रभावित क्षेत्रका नागरिकलाई आग्रह गरेको छ । सो ताल फुट्दा भोटेकोशी नदीमा बाढी आउने सम्भावना रहेकाले नेपालतर्फको तातोपानी क्षेत्रदेखि बाह्रबिसे, खाडीचौरलगायत भोटेकोशी नदीतटीय सबै क्षेत्रका बासिन्दालाई सुरक्षित स्थानतर्फ जान जिल्ला प्रशासन कार्यालय, सिन्धुपाल्चोकले अनुरोध गरेको हो ।