च्यासल क्लब रेलिगेसनमा

च्यासल युथ क्लब शहिद स्मारक ‘ए’ डिभिजन लिगबाट रेलिगेसनमा परेको छ । दशरथ रंगशालामा शनिबार भएको खेलमा फ्रेन्ड्ससँग २–१ गोलले पराजित भएपछि च्यासल रेलिगेसन (‘बी’) मा घटुवा) भएको हो ।

एन्फाको विशेष साधारण सभा स्थगित

अखिल नेपाल फुटबल संघ (एन्फा) को आइतबार बस्ने भनिएको विशेष साधारण सभा स्थगित भएको छ । एन्फा महासचिव इन्द्रमान तुलाधरले शुक्रबार सुचना जारी गर्दै विशेष साधरण सभा स्थगित भएको उल्लेख गर्नुभएको छ ।

युरोपा लिग : सेभियाले जित्दा बार्सिलोना बराबरीमा रोकियो

स्पेनिस क्लब सेभियाले युरोपा लिगको अन्तिम ३२ को पहिलो लेगमा सानदार जित निकाल्दा बार्सिलोना बराबरीमा रोकिएको छ । घरेलु मैदानमा बिहीबार राति भएको खेलमा सेभियाले क्रोएसियाको क्लब डाइनामो जाग्रिवलाई ३–१ गोलले हरायो । अर्को खेलमा बार्सिलोना इटालियन क्लब नापोलीसँग १–१ गोलको बराबरीमा रोकियो ।

फुटबलर हरि खड्का दोषी ठहर

नेपाली राष्ट्रिय फुटबल टोलीका पूर्व कप्तान हरि खड्कालाई भ्रष्टाचार मुद्दामा विशेष अदालतले बिहीबार दोषी ठहर गरेको छ । अख्तियार दुरुपयोग अनुसन्धान आयोगले दायर गरेको नक्कली शैक्षिक प्रमाणपत्र मुद्दामा फुटबलर खड्कालाई दोषी ठहर गरेको हो ।

स्पेनिस ला लिगा : एट्लेटिकोलाई लिभान्तेको धक्का

साविक विजेता एट्लेटिको म्याड्रिडलाई स्पेनिस ला लिगामा पुछारमा रहेको लिभान्तेको नमिठो धक्का लागेको छ । घरेलु मैदानमा बुधबार राति भएको खेलमा एट्लेटिको लिभान्तेसँग १–० गोलले पराजित भयो ।