काठमाडौँ, फाल्गुन ६ गते । अखिल नेपाल फुटबल संघ (एन्फा) को आइतबार बस्ने भनिएको विशेष साधारण सभा स्थगित भएको छ । एन्फा महासचिव इन्द्रमान तुलाधरले शुक्रबार सुचना जारी गर्दै विशेष साधरण सभा स्थगित भएको उल्लेख गर्नुभएको छ ।
एन्फाको साधारण सथा दोस्रो पटक स्थगित गरिएको हो । एन्फाले विश्व फुटबल महासंघ (फिफा) र एसियाली फुटबल महासंघ (एएफसी) ले दिएको निर्वाचन निर्देशिकामा केही अन्योलता भएकाले उनीहरुसँगको जुम मिटिङपछि साधारण सभा स्थगित गरिएको पनि जनाएको छ । निर्वाचन निर्देशिकाको बारेमा फिफा र एएफसीको गाइडलाइन आएपछि विशेष साधरणसभाको नयाँ मिति निर्धारण गरिने पनि एन्फाले जनाएको छ ।
