दुई हजार १० जनामा सङ्क्रमण पुष्टि, १८ जनाको मृत्यु

पछिल्लो २४ घण्टामा थप दुई हजार १० जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको आठ हजार १०८ जनामा आरटी पिसिआर परीक्षणमा सो सङ्ख्यामा सङ्क्रमण पुष्टि भएको हो । यस्तै, चार हजार ९१६ जनामा गरिएको एन्टिजेन परीक्षणमा ८९५ जनामा सङ्क्रमण पुष्टि भएको छ ।

खोपको क्लिनिकल ट्रायलका लागि दुई विदेशी कम्पनीको आवेदन

कोरोना भाइरस विरुद्धको खोपको क्लिनिकल ट्रायल गर्न सरकारले कानुनी आधार तयार गरेसँगै दुई विदेशी कम्पनीले तेस्रो चरणको ल्किनिकल ट्रयालका लागि आवेदन गरेका छन् । हालै सरकारले कोरोना भाइरसविरुद्धको तेस्रो चरणको खोपको लागि नेपालमा टा«यल गर्न दिने निर्णय गरेसँगै सो आवेदन परेको हो ।

काठमाडौँ उपत्यकामा ५८७ सङ्क्रमित थपिए    

काठमाडौँ उपत्यकामा पछिल्लो समय ५८७ सङ्क्रमित थपिएका छन् । काठमाडौँमा ४१०, ललितपुरमा ९७ तथा भक्तपुरमा ८० जनामा सङ्क्रमण पुष्टि भएको मन्त्रालयले जनाएको छ ।    

एक हजार ६३९ जनामा सङ्क्रमण पुष्टि, दुई हजार ७८ जना सङ्क्रमणमुक्त

पछिल्लो २४ घण्टामा थप एक हजार ६३९ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको सात हजार ५८ जनामा आरटी पिसिआर परीक्षणमा सो सङ्ख्यामा सङ्क्रमण पुष्टि भएको हो । यस्तै, तीन हजार ९५४ जनामा गरिएको एन्टिजेन परीक्षणमा ७५९ जनामा सङ्क्रमण पुष्टि भएको छ ।

जापानद्वारा नेपाललाई १६ लाख डोज खोप उपलब्ध गराउने घाेषणा

जापान सरकारले नेपाललाई १६ लाख डोज अस्ट्राजेनेका खोप दिने भएको छ । प्रधानमन्त्री केपी शर्मा ओलीले जिम्मेवारीबाट मुक्त हुनु अघि देशबासीका नाममा सम्बाेधन गर्नु हुँदै  जापानले उक्त खोप उपलब्ध गराउने निर्णय गरेको जानकारी दिनुभयो ।