खोप नलगाएर कार्यालय पुग्ने सीएनएनका तीन कर्मचारी जागिरबाट हटाइए

अमेरिकी न्यूज नेटवर्क सीएनएनले खोप नलगाइ एक कार्यालयमा गएकोमा तीन जना कर्मचारीलाई बर्खास्त गरेको छ । सबै कम्पनीले खोप लगाउन अनिवार्य गरिसकेपछि अमेरिकामा खोप नलगाएकोलाई जागिरबाट हटाइएको यो पहिलो अबसर हो । अमेरिकामा कम्पनीमा कार्यरत कर्मचारीले खोप लगाउनु कानूनी रुपमा समेत अनिवार्य गरिएको छ ।

अष्ट्रेलिया प्रवेशमा कडाइ

कोरोनाभाइरसबाट सङ्क्रमित हुने वृद्धि भएपछि अष्ट्रेलियाले सीमा प्रवेशमा कडाइ गरेको छ । पूर्ब सूचना बिना नै सरकारले अष्ट्रेलिया छोडन नहुने आदेश जारी गरेको छ । यसप्रकारको आदेश यसअघि अष्ट्रेलियाली नागरिकमा लागू भएको थिएन । विदेशबाट फर्किनेको हकमा बाध्यतावश फर्किनुपरेको कारण देखाउनुपर्नेछ ।

पाकिस्तानमा वायु सेनाको विमान दुर्घटना

पाकिस्तान वायु सेनाको प्रशिक्षक विमान दुर्घटना भएको छ । पञ्जाब प्रान्तको अटोक शहरमा अभ्यासको क्रममा दुर्घटना भएको समाचार संस्था एएनआईले उल्लेख गरेको छ । वायु सेनाले एक वक्तब्य जारी गरी विमानमा सबार दुबै जना पाइलट सुरक्षित रहेको जनाएको छ । वायु सेनाले दुर्घटनाबारे छानबीन गर्न एक जाँच समिति गठन गर्ने आदेश दिइएको जनाएको छ ।

थाइल्याण्डमा हालसम्मकै उच्च सङ्क्रमित

थाइल्याण्डमा एकैदिन २१ हजारभन्दा बढी सङ्क्रमितको पुष्टि भएको छ । राजधानी बैङ्ककमा मात्रै चार हजार ७०० सङ्क्रमितको पुष्टि भएको छ । थपिएका सङ्क्रमितसँगै बैङ्ककमा कोरोनाभाइरसका कुल सङ्क्रमित सात लाख १४ हजार ६८४ पुगेको छ । समाचार संस्था एएनआईका अनुसार थाइल्याण्डमा लगातार तेस्रो दिन २० हजार भन्दा बढी सङ्क्रमित थपिएका छन् । चौबीस घण्टामा कोरोना सङ्क्रमणबाट हुने मृत्यु १९१ दत्र्ता गरिएको कोभिड १९ परिस्थिति प्रशासनले...

अफगानिस्तानको सरकारी सञ्चारमाध्यमका प्रमुखको हत्या

अफगानिस्तानको सरकारी सञ्चारमाध्यमको प्रमुखको गोली हानेर हत्या गरिएको छ । टोलो न्यूजका अनुसार शुक्रबार उक्त घटना भएको हो । अफगानिस्तानका एक जना चर्चित कवि अतिफि खान र हाँस्य कलाकारको हत्या गरेको केही दिन नबित्दै तालिबानले सञ्चार निकायका प्रमुखको हत्याको जिम्मेवारी लिएको छ ।