ठूलो परिमाणमा हतियार बरामद

पूर्वी नवलपरासीको हुप्सेकोट गाउँपालिकामा आज ठूलो परिमाणमा हतियार बरामद भएको छ । हुप्सेकोट गाउँपालिका वडा न २ बाट बिहीबार हतियार बरामद भएको र स्थानीयले दश थान भन्दा बढि हतियार प्रहरीले बरामद गरेको भए पनि जिल्ला प्रहरी कार्यालयले संख्या भने अझंै सार्वजनिक गरेको छैन ।

सर्वोच्च अदालतमा शुक्रबार मुद्दाको सुनुवाइ नहुने

सर्वोच्च अदालतले विश्वभरि नै फैलिरहेको कोभिड–१९ को सम्भावित सङ्क्रमणबाट बच्न पूर्ण बैठक बस्ने तय गर्दै शुक्रबार मुद्दाको सुनुवाइ स्थगन गरेको छ । सर्वोच्च अदालतका सूचना अधिकारी देवेन्द्र ढकालका अनुसार कोरोनाको सम्भावित सङ्क्रमणलाई न्यूनीकरण गर्ने उपायका बारेमा प्रधानन्यायाधीशसहित सम्पूर्ण न्यायाधीशको पूर्ण बैठक बस्ने तय भएको हुनाले शुक्रबार सुनुवाइ स्थगन गरेको हो ।

भूमि व्यवस्थामन्त्रीसँग भारतीय राजदूतको भेटवार्ता

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालसँग नेपालका लागि भारतीय राजदूत विनयमोहन क्वात्राले शिष्टाचार भेटवार्ता गर्नुभएको छ । मन्त्रालयमा आज भएको भेटमा उहाँहरुबीच द्विपक्षीय आपसी हित र सम्बन्धका बारेमा विचार विमर्श भएको मन्त्री अर्यालको सचिवालयले जनाएको छ ।

कोरोना प्रभाव: संसद् र अदालतको कारबाही स्थगनको तयारी

कोरोना भाइरास (कोभिड–१९) को सङ्क्रमण विश्वव्यापी बनिरहेको छ । सम्भावित सङ्क्रमण नियन्त्रणका लागि सबै देशहरूले आन्तरिक तयारीलाई तीव्र पारेका छन् । चीनको वुहानबाट सुरु भएको सङ्क्रमण विश्वव्यापी बनेसँगै नेपालमा पनि सतर्कता बढाइएको छ ।

एडीबीको ६.५ अर्ब डलरको सहायता

एसियाली विकास बैङ्क (एडीबी)ले कोरोना भाइरसबाट प्रभावित यसका सदस्य राष्ट्रलाई त्यसबाट सिर्जित समस्या समाधान गर्न ६.५ अर्ब डलरको प्याकेज सहायता घोषणा गरेको छ ।