खानी विभागका महानिर्देशकसहित १८ जनाविरुद्ध मुद्दा

खानी तथा भूगर्व विभागका महानिर्देशकसहित १८ जनाविरुद्ध विशेष अदालतमा अख्तियार दूरपयोग अनुसन्धान आयोगले मुद्दा दायर गरेको छ । आयोगका सहायक प्रवक्ता वेदप्रसाद भण्डारीले अनियमितता आरोपमा विभागका महानिर्देशक रामप्रसाद घिमिरेसहित १८ जना र नौ कम्पनीविरुद्ध विशेष अदालतमा मुद्दा दायर गरेको जानकारी दिनुभयो ।

सबैभन्दा धेरै जनसङ्ख्या काठमाडौं र कम मनाङमा

देशका ७७ जिल्लामध्ये सबैभन्दा धेरै जनसङ्ख्या काठमाडौँमा देखिएको छ । राष्ट्रिय जनगणना–२०७८ को प्रारम्भिक नतिजाअनुसार काठमाडौंमा २० लाख १७ हजार ५३२ जना रहेका छन्। सबैभन्दा कम जनसङ्ख्या मनाङमा पाँच हजार ६४५ जनाको अक्सर बसोबास रहेको छ । मोरङ, रूपन्देही, झापा र सुनसरी जिल्ला क्रमशः दोस्रो, तेस्रो, चौथो र पाँचौं धेरै जनसङख्या भएका जिल्ला हुन्।

राष्ट्रिय सभा निर्वाचन : मतदान सकियो

राष्ट्रिय सभा निर्वाचन सम्पन्न भएको छ । बुधबार विहान ९ बजेदेखि ३ बजेसम्म राष्ट्रिय सभामा रिक्त १९ पदको लागि सातै प्रदेशमा मतदान भएको हो । निर्वाचन आयोगका प्रवक्ता शालिग्राम शर्मा पौडेलले सातै प्रदेशमा मतदान सकिएको जानकारी दिनुभयो ।

राष्ट्रिय सभा निर्वाचनको मतपरिणाम आजै

राष्ट्रिय सभामा रिक्त १९ पदका लागि जारी मतदानको नतिजा आजै सार्वजनिक गर्ने निर्वाचन आयोगले जनाएको छ । सातै प्रदेशमा बुधबार बिहान ९ बजेदेखि ३ बजेसम्म हुने मतदानको मतपरिणाम आजै राती १० बजेसम्म सार्वजनिक हुने अपेक्षा गरिएको आयोगका प्रवक्ता शालिग्रम शर्मा पौडेलले जानकारी दिनुभयो ।

राष्ट्रिय सभा निर्वाचन : बागमती प्रदेशमा मतदान जारी

राष्ट्रिय सभा सदस्यको निर्वाचनअन्तर्गत बागमती प्रदेशमा मतदान जारी रहेको छ । अन्य समूह र महिला समूहमा गरी दुई जना राष्ट्रिय सभा सदस्यका लागि बुधबार हेटौँडा औद्योगिक क्षेत्रको सभाहल परिसरमा मतदान चलिरहेको छ । राष्ट्रिय सभा सदस्य निर्वाचन २०७८ का निर्वाचन अधिकृत एवं मकवानपुर जिल्ला अदालतका जिल्ला न्यायाधीश डिल्लीरत्न श्रेष्ठले मतदान विहान ९ बजेदेखि सुरु भएको र दिउँसो ३ बजेसम्म चल्ने जानकारी दिनुभयो । मतदान सकिएको...