आगामी माघ महिनासम्म रानीपोखरीमा पानी

लामो समयदेखि पानीविहीन ऐतिहासिक रानीपोखरीमा आगामी माघ महिनासम्ममा पानी राख्ने तयारी भएको छ । राष्ट्रिय पुनरनिर्माण प्राधिकरणले आउँदो पुस मसान्तसम्ममा रानीपोखरीको पिँधमा कालो माटो राखी माघमा महिनाभित्र पानी राख्ने तयारीका साथ काम भइरहेको जनाएको छ । पिँधमा राख्ने माटो भक्तपुर, पनौती र सतुङ्गलबाट ल्याइनेछ ।

आगलागीमा लाखौंको क्षति

झापाको हल्दिवारी गाउँपालिका वडा नं. ५ मा आगलागि हुँदा एक घर जलेर नष्ट भएको बताइएको छ ।

छठपूजा समापन

आज बिहान उदाउँदो सूर्यलाई पूजाआजासहित अघ्र्य दिई चार दिन लामो छठपर्व समापन गरिएको छ ।

उदाउँदो सूर्यलाई अघ्र्य दिई छठपर्व सम्पन्न

आस्थाको महापर्व छठपर्वअन्तर्गत व्रतालुहरूले आज यहाँ उदाउँदो सूर्यलाई अघ्र्य दिई पर्वको समापन गरेका छन् । मूलविधि चतुर्थीदेखि शुरू भई षष्ठीका दिन बेलुकी अस्ताउन लागेको र सप्तमीका दिन उदाउँदो सूर्यलाई अघ्र्य दिई पूजाअर्चना गरी यो पर्वको समापन गर्ने परम्परा रहेको छ ।

महानगरमा शान्तिको कामना गर्दै मेयर प्रणामयात्रामा

विराटनगर महानगरपालिकाका मेयर भीम पराजुलीले छठ व्रतालुको रुपमा दण्डवत् प्रणामयात्रा गर्नुभएको छ । परम्परागत रुपमासर्वसाधारणले आफ्नो मनोकांक्षा पूरा होस् भन्ने कामना गर्दै घस्रिएर गरिने दण्डवत् प्रणाम यात्रामा मेयर पराजुली समेत सामेल हुनुभएको हो