मेलम्ची खानेपानी आयोजनाको मुहानमाथि सूचना यन्त्र जडान गर्ने तयारी

मेलम्ची खानेपानी आयोजनाको मुहानमाथि सूचना यन्त्र जडान गर्ने तयारी थालिएको छ । माथिल्लो भेगमा ठूलो मात्रामा पानी परे बाढी आउन सक्ने जोखिम कायम रहेकाले सूचना दिने यन्त्र जडान गर्ने तयारी भइरहेको मेलम्ची खानेपानी विकास समितिका सूचना अधिकारी राजेन्द्रप्रसाद पन्तले बताउनुभयो । उहाँका अनुसार संरचना निर्माणस्थलमाथि वर्षा मापन यन्त्र, नदीकाे बहाव मापन यन्त्र जडान गरिनेछ । यही हप्ता भित्र यन्त्र जडान गरेर सञ्चालनमा...

चैत मसान्तभित्र हतियार बुझाउन अल्टिमेटम

इजाजत प्राप्त हात हतियार चैत मसान्तभित्र बुझाउन जिल्ला प्रशासन कार्यालय जाजरकोटले अल्टिमेटम दिएको छ । जिल्ला प्रशासन कार्यालयका प्रशासकीय अधिकृत झलक केसीले आगामी वैशाख ३० गते हुने स्थानीय तहको निर्वाचन शान्त, भयरहित वातावरणमा सम्पन्न गर्ने उद्देश्यले जिल्लाका नागरिकलाई इजाजत प्राप्त सबै हतियार बुझाउन प्रशासनले निर्देशन दिएको बताउनुभयो ।

चुनढुंगा खानी विषयको अध्ययन प्रतिवेदन सार्वजनिक

पाल्पामा सञ्चालित चुनढुङ्गा खानीको विषयमा उठेको विभिन्न सवालबारे अध्ययन् गर्न बनेको समितिले प्रतिवेदन सार्वजनिक गरेको छ । जिल्लाका विभिन्न चुनढुंगा खानीको स्थलगत अध्ययन्पछि अनुगमन समितिले तयार गरेको प्रारम्भिक प्रतिवेदन सार्वजनिक गरिएको हो ।

लोकमार्ग छेउछाउको होर्डिङ्ग बोर्ड सडक दुर्घटनाको कारण बन्दै

महिला र पुरुषका आँखा नबिझाउने सुन्दर र आकर्षक तस्बिर । अनि तत्क्षण मस्तिष्कमा छाप छाड्ने वजनदार केही शब्द विन्यासबाट बनेका अद्र्धवाक्य । प्रश्न र उत्तर पनि त्यहीँ । तपाईंलाई एकटक हेरिरहन मन लाग्न सक्छ । हो, पूर्वपश्चिम लोकमार्गको कमला–वागमती खण्डमा ठाउँठाउँमा व्यावसायिक प्रयोजनले राखिएका होर्डिङ्ग बोर्ड हेरिरहने रहर मनमा पलाउँछ । तर, यसले जोखिमपूर्ण दुर्घटना निम्त्याउन सक्छ ।

सर्लाही झडप : जसपा प्रमुख सचेतक साह घाइते, हेलिकप्टरबाट काठमाडौं लगिँदै

सर्लाहीको ईश्वरपुर नगरपालिका–६, बयलवास बजारमा शनिबार बिहान क्लबको भवन निर्माणका विषयमा झडप हुँदा जनता समाजवादी पार्टी (जसपा) का प्रमुख सचेतक एवं सर्लाही क्षेत्र नंं. १ का सांसद प्रमोद साह गम्भीर घाइते हुनुभएको छ । घाइते साहको अहिले बयलवासस्थित एक अस्पतालमा उपचार चलिरहेको छ । टाउकोमा चोट लागेर गम्भीर घाइते साहलाई थप उपचारका लागि काठमाडौं लैजान हेलिकप्टर मगाइएको छ ।