डढेलो नियन्त्रण गर्न पूर्व तयारी कार्यक्रम

कपिलबस्तुको तिलौराकोट साझेदारी वन व्यवस्थापन समितिमा वन डढेलो नियन्त्रण दलदस्ताद्वारा अग्निरेखामा डढेलो नियन्त्रण गर्न पूर्व तयारी गरिएको छ । वनमा डढेलोबाट हुने क्षती रोक्न पूर्व अभ्यास थालिएको हो । गर्मीयाम सुरु भएसँगै वनमा हुने आगलागी नियन्त्रण गर्न सो साझेदारी क्षेत्रमा पूर्व तयारी गरिएको हो ।

नगरपालिकाको सहयोगमा छोरीको नाममा बैंक खाता सञ्चालन

खोटाङको हलेसी तुवाचुङ नगरपालिकाका छोरीहरुको नाममा बैंक खाता सञ्चालन गरिएको छ । नगरपालिकाको ‘बालिका बचत’ कार्यक्रम अन्तर्गत छोरी जन्मिनसाथ बैंक खाता खोल्ने र छोरीको भविष्यका लागि नगरपालिकाले रकम जम्मा गरिदिने गरेको छ ।

सांसद साहलाई थप उपचारका लागि काठमाडौंं लगियो

सर्लाहीको ईश्वरपुर नगरपालिका –६, बयलवासमा शनिबार बिहान भएको झडपमा सांसद प्रमोद साह घाइते हुनु भएपछि उहाँलाई थप उपचारका लागि काठमाडांै लगिएको छ । बयलवास बजारस्थित सडक छेउमा रहेको फूलजोरबाबा युवा क्लबको भवन निर्माण र सडकमा नाला बनाउने विषयमा दुई पक्षबीच भएको झडपमा जनता समाजवादी पार्टी (जसपा) को प्रमुख सचेतक समेत रहनुभएका सर्लाही क्षेत्र १ का सङ्घीय सांसद साह घाइते हुनुभएको छ ।

साताका सात तस्बिर

फ्लोरिकल्चर एसोसिएसन नेपालले ललितपुरको जावलाखेलमा आयोजना गरेको २३ औं फ्लोरा एक्स्पोमा सजाएर राखिएको फूल । बिहीबारबाट सुरु भएको एक्स्पो आइतबारसम्म चल्नेछ । सुजन गुरुङ पश्चिम नेपालको पहाडी जिल्ला बझाङ, बाजुरा डोटी र अछामको संगमस्थल खप्तड राष्ट्रिय निकुञ्ज क्षेत्रको दृश्य ।

थ्रिडी पार्क मर्मत पछि सञ्चालनमा

निर्माण भएको लामो समयसम्म सञ्चालनमा आउन नसकेको तम्घासको थ्रिडी पार्क मर्मत पश्चात अहिले सञ्चालनमा आएकोे छ । रेसुङगा नगरपालिका र लुम्बिनी प्रदेशको ५०–५० प्रतिशत साझेदारीमा ५५ लाख रुपियाँको लागतमा पार्क निर्माण गरिएको हो । सो पार्कलाई नगरपालिकाले थप पाँच लाख रुपियाँको लागतमा मर्मत गरी सञ्चालनमा आएको हो ।